«Sánge aınaldy»: Almatydaǵy turǵyn úı keshenderiniń birinde áıeldi óltirip ketken

Foto: ashyq derekkóz

17 tamyzǵa qaraǵan túni «NeMolchıKZ» qoryna Almatydaǵy «Asyltaý» turǵyn úı keshenderiniń birinde áıel adam óltirilgeni týraly habarlamasa kelip tústi. Bul týraly qandastar.kz Stan.kz aqparat agenttigine silteme jasap habarlaıdy.

Qordyń aıtýynsha, áıel ǵımarattaǵy 14-15 qabattardy jınap, tazalyqshy bolyp jumys istep júrgen. Saǵat 17:00-de turǵyn úı kesheninde polıııa men jedel járdem keldi.

«Sálemetsiz be?! Bizdiń Almatydaǵy turǵyn úı kesheninde tazalyqshy áıeldi kúıeýi uryp óltirdi. Bul sumdyq. Bizdiń elde áıelin uryp-soǵyp óltirý sánge aınalǵan sııaqty. Qylmyskerdi qolǵa túsirgen sekildi. Áıeldiń bir qyzy bar, jasy 45-te edi. Men ony kúnde kóretinmin, sondaı uqypty edi. Eki úıdegi 14-15 qabatqa deıin tap-taza etip, jınap shyǵatyn”, – dep jazdy turǵyndardyń biri.

Almaty polıııa departamenti qaıǵyly oqıǵany rastap, is qozǵalǵanyn málimdedi.

“Almaty polıııa departamenti bul fakti boıynsha qylmystyq is qozǵalǵanyn habarlady. Kúdikti «izin sýytpaı» ustalyp, ýaqytsha ustaý ızolıatoryna jetkizildi. Sot-medıınalyq saraptama taǵaıyndaldy”, – dedi polıııa departamenti.

Eske salaıyq, buǵan deıin Almatyda er adam áıeline 10 ret pyshaq jaraqatyn salyp óltirdi dep aıyptalyp jatqanyn jazdyq. Jábirlenýshiniń jaqyndarynyń sózinshe, aıyptalýshy tarap qylmys affekt jaǵdaıynda boldy dep aıtqan. Olar kináli taraptyń ádil jazalanýyn talap etedi.