Sankııaǵa baılanysty Reseıdegi zaýyttar Qazaqstanǵa kóshpek

Foto: Halyq úni

Qytaılyq TCL teledıdar brendiniń ıesi sankııaǵa baılanysty quramdas bólikterin reseılik «Kvant» jáne STI Group-qa jetkizýden bas tartqan. Munyń aldynda dál osy sebepterge baılanysty Hiaomi da bólshekterin jetkizbedi, – dep habarlaıdy qandastar.kz

Endi Reseı zaýyttary Hiaomi men TCL brendin shyǵarý úshin Qazaqstanǵa kóshý máselesin qarastyryp jatyr.

atamekenbusiness_qaz jazǵandaı, eger zaýyttar Qazaqstanǵa kóshirilse, logıstıkaǵa baılanysty qurylǵylar qymbattaýy múmkin.

«Biz óndiristi Qazaqstanǵa kóshirý múmkindigin qarastyryp jatyrmyz. Biraq bul elde de sankııalyq qaýip týyndaýy múmkin, sonymen qatar logıstıkanyń uzarýyna baılanysty Qazaqstanda shyǵarylatyn qurylǵylar 10-20 paıyzǵa qymbattaıdy», – dep málimdedi STI Group dırektory Kırıll Skvorov.