«Sapaly» qazaqtardy ákelý kerek: Belgili tarıhshy qandastar máselesin kóterdi

Foto: ashyq derekkóz

Qytaı osy qandaı kórshi? Balqashqa deıingi jer qytaıdiki dep oqytatyny ras pa? Jáne Qytaıdan tek “sapaly” qazaq kelý kerek degendi qaı qazaq shyǵardy? Tarıhshy, aýdarmashy Tursynhan Zekenuly Qasqa Jol YouTube-arnasyna bergen suhbatynda monahtarǵa aınalǵan Shyńǵyshan urpaqtary, Mońǵol ımperııasynyń túbine jetken býdda dini, Qytaıdaǵy “qazaq shovınızmi”, barysqa aınalyp ketken kók bóri sııaqty ár qazaqtyń janyna batatyn taqyryptar jóninde egjeı-tegjeıli aıtty, dep habarlaıdy qandastar.kz

«Syrttan kelgen árbir qazaqqa qýana bilýimiz kerek. Bolashaqta olardyń urpaǵy bizdiń elimizdiń tiregi bolady. Alaıda syrttan keletin qazaqtardyń kóshi saıabyrlap qaldy. Oǵan ártúrli sebepter bar, biri karantın bolsa, biri zań júıesindegi ártúrli ózgerister. Bizdiń burynǵy býyn, ıaǵnı táýelsizdik alǵan jyldary qandastarymyzdyń elge oralýyna kóp kóńil bóldi. Alaıda qazirgi bıliktegi jas býynǵa báribir. Sebebi qazirgi jastardyń syrttaǵy qazaqtarǵa jany ashı qoımaıdy. Árbir qazaq Otany úshin janyn berýi kerek. Shynyn aıtqanda, syrttaǵy qazaqtar balalarynyń bolashaǵy úshin Qazaqstanǵa kelgisi keledi», – dedi T.Zekenuly.

Skifnews.kz jazǵandaı,  tarıhshy ulttyq tarıhnamamyzdyń kemshin tustaryn sóz etip, zańdy kúsheıtý kerektigin aıtty.

«Buǵan tarıhshylarymyzdyń álsizdigi sebep bolyp tur. Qazir tarıh salasynda úlken kúres júrip jatyr. Munyń bir sebebi – rýǵa bóliný. Máselen uly tulǵalarymyzdy árbir rý ózine tartyp, jikke bólinip júr. Biz munymen Amerıka asha almaımyz. Bul tusta árbir sózimizge saq bolýymyz kerek. Rýhymyz myqty bolmasa kóringenge jem bolýymyz ábden múmkin», – dep qorytyndylady ol.