سارا نازارباەۆا اۋىر حالدە, ءومىرىن قۇتقارۋعا دارىگەرلەر دارمەنسىز! — دەرەككوز

سارا نازارباەۆا اۋىر حالدە جاتىر. بۇل تۋرالى qandastar.kz اقپاراتتىق پورتالى Ulysmedia.kz سايتىنا سىلتەمە جاساپ حابارلايدى. 

قازاقستاننىڭ تۇڭعىش پرەزيدەنتىنىڭ وتباسى شەڭبەرىنە جاقىن دەرەككوزدىڭ مالىمەتىنشە, بۇرىنعى مەملەكەت باسشىسىنىڭ زايىبى سارا الپىسقىزىنىڭ جاعدايى اۋىر, ال دارىگەرلەر ونىڭ ءومىرىن ساقتاپ قالۋعا دارمەنسىز.

سوڭعى ۋاقىتتا ول نازارباەۆا دەگەن تەگىن تاستاپ, قىز كەزىندەگى تەگى – قوناقاەۆانى قولدانا باستاعان.

سارا الپىسقىزى ءومىر بويى «ناعىز ءبىرىنشى حانىم» اتانعان جوق – نۇرسۇلتان نازارباەۆ ومىرلىك سەرىگىنىڭ بەينەسىن ەل الدىندا كورسەتۋگە ۇمتىلمادى.

ماسەلەن, 2015 جىلى ول ۇلىبريتانيا پاتشايىمى ءىى ەليزاۆەتامەن كەزدەسۋگە جۇبايىن ەمەس, سول كەزدەگى پرەمەر-ءمينيستردىڭ ورىنباسارى قىزمەتىن اتقارعان ۇلكەن قىزى داريعانى ەرتىپ بارعان ەدى.

سارا الپىسقىزىنىڭ نەگە كولەڭكەدە قالعانى كەيىن بەلگىلى بولدى – نازارباەۆ بۇل تۋرالى ءوزىنىڭ كىتابىندا جازعان. ونىڭ سوزىنشە, جۇرەككە ءامىر جۇرمەيدى – ول باسقا ادامدى قالاعان.