جاڭالىقتار
ساراندا دۇكەن ساتۋشىسىن پىشاقتاپ ولتىرگەن كۇدىكتى ۇستالدى
فوتو: polisia.kz
قاراعاندى وبلىسىنىڭ ساران قالاسىندا دۇكەن ساتۋشىسىن پىشاقتاپ ولتىرگەن كۇدىكتى ۇستالدى, دەپ حابارلايدى qandastar.kz
قالانىڭ 50 جاستاعى تۇرعىنىنىڭ ايتۋىنشا, بەيتانىس ەر ادام پىشاقپەن قورقىتىپ, دۇكەن كاسساسىنا قول سالماق بولعان. 27 جاستاعى ايەل قارسىلىق كورسەتكەن. ەر ادام كەلىنشەكتى پىشاقتاپ تاستاعان. وقيعا باقىلاۋ كامەراسىنا تۇسكەن. پوليتسەيلەر ونى ءبىر تاۋلىكتەن سوڭ ۇستادى.
بەينەجازبالاردا كەلىنشەكتىڭ بەتپەردە كيگەن الدەكىمەن الىسىپ جاتقانى ءتۇسىپ قالعان. كۇدىكتى قولىن سەرمەگەن سايىن ايەل پىشاق جاراقاتىن الىپ وتىرعان. ەر ادام ونى ولتىرگەن سوڭ كاسساداعى 30 مىڭ تەڭگەنى الىپ كەتكەن.
دۇكەنمەن قابىرعالاس ورنالاسقان اسحانا يەسى ورنىندا بولعانىمەن, ايقاي-شۋدى ەستىمەگەن.
