ساتپاەۆتا ەر ادام پودەزدە قىزدى سۇيرەپ اكەتىپ, زورلاماق بولعان

فوتو: سكرين ۆيدەو

ساتپاەۆتا ەر ادامنىڭ پودەزدە قىزعا شابۋىل جاساعان ءساتى ۆيدەوعا ءتۇسىپ قالدى, دەپ حابارلايدى qandastar.kz

ۆيدەودان قىزدىڭ پودەزگە كىرىپ, پاتەرىنە بەتتەپ بارا جاتقانىنا كورۋگە بولداى. ول سوعىنان ەر ادامنىڭ ىلەسە كىرگەنىن بايقاماعان بولسا كەرەك. ەر ادام قىزدىڭ باسىنان ۇستاپ, اۋزىن قولىمەن جاۋىپ, باسپالداقتىڭ استىنا سۇيرەپ اكەتتى.

بىردە قىزدىڭ جانۇشىرا شىڭعىرعان داۋسى ەستىلدى. قىز ونىمەن ارپالىسىپ جاتقاندا ەر ادام پودەزدەن قاشىپ شىعىپ كەتتى. كوپ ۇزاماي قىزعا ءبىرىنشى قاباتتا تۇراتىن ايەل كومەككە كەلدى. جابىرلەنۋشىنىڭ سوزىنەن كەيىن ول ەر ادامنىڭ سوڭىنان ىلە-شالا سىرتقا شىقتى.

بەلگىلى بولعانداي, ەر ادام قىزدى زورلاماق بولعان.

Skifnews.kz جازعانداي,  بولعان جاعدايعا قاتىستى ۇلىتاۋ وبلىسىنىڭ پوليتسەيلەرى تۇسىنىكتەمە بەردى. پوليتسيانىڭ مالىمەتىنشە, ولار كۇدىكتىنى ءىزىن سۋىتپاي ۇستاعان.

“ساتباەۆ قالاسى پوليتسيا بولىمىمەن قىلمىستىق ءىس قوزعالدى. پوليتسيا قىزمەتكەرلەرى جەدەل ىزدەستىرۋ شارالارى بارىسىندا, كۇدىكتىنى انىقتاپ, ۇستادى. قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قاماۋعا الىندى. تەرگەۋ جۇرگىزىلىپ جاتىر”, – دەپ مالىمدەدى پوليتسيا.