فوتو: ساۋلە ابىلداحانقىزىنىڭ جەلىدەگى پاراقشاسىنان

بەلگىلى جۋرناليست ساۋلە ابىلداحانقىزىنىڭ قىتايدان كەلگەن قازاقتار تۋرالى مالىمدەمەسى جەلىدە قىزۋ تالقىلانىپ جاتىر. ەندى پوليتسەيلەر قانداستار تۋرالى «قاۋىپتى» دەگەن جازبانى تەكسەرۋگە كىرىستى. بۇل تۋرالى qandastar.kz Stan.kz-كە سىلتەمە جاساپ حابارلايدى.

ساۋلە ابىلداحانقىزى Facebook پاراقشاسىناندا قىتايدان كەلگەن قانداستاردى مەملەكەت ساياساتىنا ارالاستىرماۋ كەرەك ەكەنىن ايتتى.

«قىتايدان كەلگەن قانداستاردى مەملەكەت ساياساتىنا ارالاستىرماۋ كەرەك. مورالدىق قاقىسى جوق. ءۇش-ءتورت ۇرپاق اۋىسقاندا بولماسا. ولار «قىتاي مەكتەبىن» كورگەندەر. وتە قاۋىپتى ادامدار. ساتىپ كەتۋى وپ-وڭاي. سوندايلاردىڭ مىڭىن جەكە بىلەمىن», – دەدى ساۋلە ابىلداحانقىزى.

ساۋلە ابىلداحانقىزى قىتايدان ورالعان ازاماتتارسىز-اق پارلامەنتتىڭ جۇمىسى جۇرەدى دەپ, قانداستاردىڭ شامىنا تيەتىن سوزدەر جازعان. ءجۋرناليستىڭ بۇل جازباسى وقىرمانداردىڭ نارازىلىعىن تۋعىزدى. اسىرەسە, كورشى ەلدەن وتانىنا ورالعان قازاقتاردىڭ اشۋىنا تيگەن. كوپ ۇزاماي اۆتور پوستىن ءوشىرىپ تاستاعان. ال الماتى پوليتسيا دەپارتامەنتى قىزۋ تالقىعا تۇسكەن جازبانى تەكسەرىپ جاتىر.

ەسكە سالايىق, بۇعان دەيىن مەملەكەت باسشىسى قاسىم-جومارت توقاەۆ وتانىنا ورالعان قانداستار ەل زاڭىنا باعىنۋعا ءتيىس ەكەنىن ايتقان ەدى. پرەزيدەنت ەلىمىزدە «زاڭ مەن ءتارتىپ» قاعيداتى مىزعىماستاي ورنىعۋعا ءتيىس ەكەنىن ايتتى.