Jańalyqtar
«Satyp ketýi op-ońaı»: Jýrnalıst Sáýle Ábildahanqyzynyń qandastardy «qaýipti» degen jazbasy tekserilip jatyr

Foto: Sáýle Ábildahanqyzynyń jelidegi paraqshasynan
Belgili jýrnalıst Sáýle Ábildahanqyzynyń Qytaıdan kelgen qazaqtar týraly málimdemesi jelide qyzý talqylanyp jatyr. Endi polıeıler qandastar týraly «qaýipti» degen jazbany tekserýge kiristi. Bul týraly qandastar.kz Stan.kz-ke silteme jasap habarlaıdy.
Sáýle Ábildahanqyzy Facebook paraqshasynanda Qytaıdan kelgen qandastardy memleket saıasatyna aralastyrmaý kerek ekenin aıtty.
«Qytaıdan kelgen qandastardy memleket saıasatyna aralastyrmaý kerek. Moraldyq qaqysy joq. Úsh-tórt urpaq aýysqanda bolmasa. Olar «Qytaı mektebin» kórgender. О́te qaýipti adamdar. Satyp ketýi op-ońaı. Sondaılardyń myńyn jeke bilemin», – dedi Sáýle Ábildahanqyzy.
Sáýle Ábildahanqyzy Qytaıdan oralǵan azamattarsyz-aq Parlamenttiń jumysy júredi dep, qandastardyń shamyna tıetin sózder jazǵan. Jýrnalıstiń bul jazbasy oqyrmandardyń narazylyǵyn týǵyzdy. Ásirese, kórshi elden Otanyna oralǵan qazaqtardyń ashýyna tıgen. Kóp uzamaı avtor postyn óshirip tastaǵan. Al Almaty polıııa departamenti qyzý talqyǵa túsken jazbany tekserip jatyr.
Eske salaıyq, buǵan deıin memleket basshysy Qasym-Jomart Toqaev Otanyna oralǵan qandastar el zańyna baǵynýǵa tıis ekenin aıtqan edi. Prezıdent elimizde «Zań men tártip» qaǵıdaty myzǵymastaı ornyǵýǵa tıis ekenin aıtty.