ساياسات نۇربەك گرانت ناتيجەسىنىڭ قاي ۋاقىتتا جاريالاناتىنىن حابارلادى

فوتو: اشىق دەرەككوز

2024-2025 وقۋ جىلدارىنا ارنالعان گرانت يەلەرىنىڭ ءتىزىمى ەرتەڭ, 3 تامىز كۇنى, ساعات 11-دە بەلگىلى بولادى. بۇل تۋرالى عىلىم جانە جوعارعى ءبىلىم ءمينيسترى ساياسات نۇربەك ءمالىم ەتتى, دەپ حابارلايدى Qandastar.kz.

«قۇرمەتتى, جاس دوستار! سىزدەرگە جاقسى حابارىم بار! بۇگىن مەملەكەتتىك ءبىلىم بەرۋ گرانتتارىن تاعايىنداۋ جونىندەگى رەسپۋبليكالىق كوميسسيا ءوز جۇمىسىن اياقتادى. گرانت يەگەرلەرىنىڭ ءتىزىمى 3 تامىزدا جاريالانادى. كوميسسيا قۇرامىندا قر پارلامەنتىنىڭ دەپۋتاتتارى, مەملەكەتتىك ورگاندار, بiلiم سالاسى كاسiپوداقتارىنىڭ, «اتامەكەن» ۇلتتىق كاسiپكەرلەر پالاتاسىنىڭ, جوعارعى وقۋ ورىندارى قاۋىمداستىعىنىڭ, قوعامدىق ۇيىمداردىڭ وكىلدەرى بولدى. ساپالى جانە قاجىرلى قىزمەتى ءۇشىن كوميسسيا مۇشەلەرىنە شەكسىز العىسىمدى بىلدىرەمىن!, – دەدى ول.

ارى قاراي تالاپكەرلەردىڭ ۇبت-دا جيناعان بالدارىنا جانە بەكىتىلگەن ەرەجەلەرگە سايكەس كونكۋرستىق نەگىزدە ءبىلىم بەرۋ گرانتتارى تاعايىندالاتىن بولادى.

تالاپكەرلەردىڭ باسىم بولىگىنىڭ تاڭداۋى «پەداگوگيكالىق عىلىمدار», «ينجەنەرلىك, وڭدەۋ جانە قۇرىلىس سالالارى» جانە «اقپاراتتىق-كوممۋنيكاتسيالىق تەحنولوگيالار» باعىتتارىنداعى ماماندىقتارعا ءتۇستى.

كونكۋرستىق ىرiكتەۋدiڭ قورىتىندىسى قر عىلىم جانە جوعارى ءبىلىم مينيسترلىگىنىڭ رەسمي سايتىندا جانە Telegram ارناسىندا 3 تامىز كۇنى ساعات 11.00-دە جاريالانادى, سونداي-اق ۇلتتىق تەستىلەۋ ورتالىعىنىڭ Telegram ارناسى مەن ستۋدەنتتەرگە ارنالعان اقپاراتتىق انىقتامالىق پورتال mapp.kz سايتىندا ورنالاستىرىلادى. ال جوعارى وقۋ ورىندارىنا قۇجاتتاردى قابىلداۋ 25 تامىزدا اياقتالادى.

قىمباتتى تالاپكەر, ۇلكەن ءومىر جولىنا باستار قادامدارىڭىز ءساتتى بولسىن! جوعارى وقۋ ورىندارىنىڭ قابىرعاسىندا كەزدەسكەنشە!