Saıasat Nurbek grant nátıjesiniń qaı ýaqytta jarııalanatynyn habarlady

Foto: ashyq derekkóz

2024-2025 oqý jyldaryna arnalǵan grant ıeleriniń tizimi erteń, 3 tamyz kúni, saǵat 11-de belgili bolady. Bul týraly ǵylym jáne joǵarǵy bilim mınıstri Saıasat Nurbek málim etti, dep habarlaıdy Qandastar.kz.

«Qurmetti, jas dostar! Sizderge jaqsy habarym bar! Búgin memlekettik bilim berý granttaryn taǵaıyndaý jónindegi respýblıkalyq komıssııa óz jumysyn aıaqtady. Grant ıegerleriniń tizimi 3 tamyzda jarııalanady. Komıssııa quramynda QR Parlamentiniń depýtattary, memlekettik organdar, bilim salasy kásipodaqtarynyń, «Atameken» ulttyq kásipkerler palatasynyń, joǵarǵy oqý oryndary qaýymdastyǵynyń, qoǵamdyq uıymdardyń ókilderi boldy. Sapaly jáne qajyrly qyzmeti úshin komıssııa múshelerine sheksiz alǵysymdy bildiremin!, – dedi ol.

Ary qaraı talapkerlerdiń UBT-da jınaǵan baldaryna jáne bekitilgen erejelerge sáıkes konkýrstyq negizde bilim berý granttary taǵaıyndalatyn bolady.

Talapkerlerdiń basym bóliginiń tańdaýy «Pedagogıkalyq ǵylymdar», «Injenerlik, óńdeý jáne qurylys salalary» jáne «Aqparattyq-kommýnıkaııalyq tehnologııalar» baǵyttaryndaǵy mamandyqtarǵa tústi.

Konkýrstyq irikteýdiń qorytyndysy QR Ǵylym jáne joǵary bilim mınıstrliginiń resmı saıtynda jáne Telegram arnasynda 3 tamyz kúni saǵat 11.00-de jarııalanady, sondaı-aq Ulttyq testileý ortalyǵynyń Telegram arnasy men stýdentterge arnalǵan aqparattyq anyqtamalyq portal mapp.kz saıtynda ornalastyrylady. Al joǵary oqý oryndaryna qujattardy qabyldaý 25 tamyzda aıaqtalady.

Qymbatty talapker, úlken ómir jolyna bastar qadamdaryńyz sátti bolsyn! Joǵary oqý oryndarynyń qabyrǵasynda kezdeskenshe!