سەمەيدە 32 جاستاعى مۇعالىم 8-سىنىپ وقۋشىسىن زورلادى دەگەن كۇدىككە ءىلىند

فوتو: اشىق دەرەككوز

سەمەيدە مۇعالىم 8-سىنىپ وقۋشىسىن زورلادى دەگەن كۇدىككە ءىلىندى, دەپ qandastar.kz اقپارات پورتالى 31 ارناعا سىلتەمە جاساپ حابارلايدى.

سونىمەن, قازىر وقۋشىسىن زورلادى دەگەن كۇدىكپەن العاشقى اسكەري دايىندىق ءپانىنىڭ تالىمگەرى قاماۋعا الىنىپ, وعان تەرگەۋ جۇرگىزىلىپ جاتىر. وقيعانىڭ ءمان-جايى ازىرگە بەلگىسىز.

ءبىلىم ءبولىمىنىڭ مالىمەتىنشە, 32 جاستاعى مۇعالىمنىڭ وندا جۇمىس ىستەپ جۇرگەنىنە ەكى جىل بولعان. ارىپتەستەرى ونىڭ تەك جاقسى قىرىنان كورىنگەنىن ايتادى. ال جابىرلەنۋشى قىز 8-سىنىپتا وقيدى. «ول قازىر ساباققا كەلىپ ءجۇر» دەيدى ماماندار.

«ول مۇعالىم 2016 جىلى شاكارىم اتىنداعى سەمەي مەملەكەتتىك ۋنيۆەرسيتەتىن بىتىرگەن. اتالعان جاعداي بويىنشا قازىر قۇزىرلى ورگاندار ءتيىستى تەرگەۋ جۇمىستارىن جۇرگىزىپ جاتىر. ەندى سول جۇمىستاردىڭ ناتيجەسى ويىنشا قوسىمشا اقپارات بەرىلەدى. قازىر كۇدىكتى ۋاقىتشا ۇستاۋ يزولياتورىندا», – دەدى سەمەي قالاسى ءبىلىم ءبولىمىنىڭ باسشىسى ءبىرجان بۇلاباەۆ.