«Seni de óltiremiz!» — dep qorqytty». Sherzattyń anasy óz ulynyń qalaı qaza tapqanyn aıtyp berdi

Foto: ashyq derekkóz

Sherzat Polatty óltirý isi boıynsha ótip jatqan sot proesinde marqumnyń anasy Gúlbara Bıshembaeva kýálik berdi, dep habarlaıdy qandastar.kz

Alash.kz jazǵandaı,  ol ulynyń qazasyna kýá bolǵanyn jáne oqıǵa ornynda bolǵan sátterin tolyǵyraq baıandady.

Bıshembaevanyń aıtýynsha, tún ortasynda kúıeýi habarlasyp, Sherzatqa bireý shabýyl jasaǵanyn aıtqan. Ol Nurqanat esimdi ulyn oıatyp, keıin ózi «Qamajaı» dúkenine barǵan. Oqıǵa ornynda 10–15 adamnan turatyn topty kórgenin, arasynda eki qyz bolǵanyn jetkizdi. Onyń sózinshe, top bir adamdaı bolyp Sherzatqa jabylǵan.

— Aldymen Sherzat pen Darhan arasynda qaqtyǵys boldy, artynsha Sherzat qulap tústi. Abzal Ahmetke soqqy berip, ol dúken qabyrǵasyna baryp soǵyldy. Sosyn búkil top uldaryma jabyldy, — dedi ol.

Ol adamdardy toqtatýǵa tyrysqanyn, biraq Abzal men Nurbol onyń qolyn ustap jibermeı qoıǵanyn aıtty.

— «Men anamyn, balama tımeńder!» — dep jalyndym. Biraq Abzal: «Seni de óltiremiz!» — dep qorqytty, — dedi anasy.

Sondaı-aq ol Nurqııastyń qolynda myltyq bolǵanyn, al Shyńǵystyń pyshaqpen Sherzattyń arqasyna soqqy jasaǵanyn kórgenin málimdedi.

— Sherzat jaralanyp, artqa sheginip baryp qulady. Qasyna júgirip barǵanda: «Anashym, myna jerge qarashy», — dep sol jaǵyn kórsetti. Sol jerde pyshaq jaraqaty boldy, — dedi Gúlbara Bıshembaeva.

Oqıǵa kýágeri retinde ol jedel járdem men polıııa shaqyrýǵa tyrysqanymen, janyndaǵy eki qyzdyń eshqandaı áreket jasamaǵanyn atap ótti.

Sot proesi jalǵasyp jatyr.