Jańalyqtar
Sergek mamandary elordalyqtardyń jolǵa qansha ýaqyt júmsaıtynyn anyqtady
Foto: ashyq derekkóz
Sergek ITS mamandary turǵyndardyń sol jaǵalaýdan oń jaǵalaýǵa jáne kerisinshe jolǵa jumys jáne demalys kúnderi qansha ýaqyt jumsaıtynyn anyqtady. Marshrýt núkteleri retinde sol jaǵalaýdaǵy Mega Silk Way saýda oıyn-saýyq ortalyǵy jáne oń jaǵalaýdaǵy Bogenbaı batyr men Respýblıka dańǵyldarynyń qıylysy tańdaldy, dep jazdy qandastar.kz
Oń jaǵalaý baǵyty boıynsha eń tyǵyz kúnder – dúısenbi men beısenbi. Mega Silk Way-den Bogenbaı batyr – Respýblıka qıylysyna Qabanbaı batyr dańǵyly arqyly jetý ýaqyty: — Jumys kúnderi: 2 saǵat 12 mınýt (pık saǵattarynda) — Demalys kúnderi: 2 saǵat 19 mınýt (pık saǵattarynda) — Keptelissiz – 32 mınýt Sol jaǵalaý baǵyty boıynsha eń tyǵyz kúnder – sársenbi men juma. Bogenbaı batyr dańǵylynan Mega Silk Way-ge Qabanbaı batyr dańǵyly arqyly jetý ýaqyty: — Jumys kúnderi: 2 saǵat 8 mınýt (pık saǵattarynda) — Demalys kúnderi: 2 saǵat 17 mınýt (pık saǵattarynda) — Keptelissiz – 25 mınýt Sol jáne oń jaǵalaýlar arasyndaǵy eń jyldam marshrýt Turan dańǵyly arqyly ótedi: táýliktik ortasha ýaqyt – 50 mınýt, al Qabanbaı batyr dańǵyly arqyly – 58 mınýt. Keshki pık saǵattary: — Oń jaǵalaýǵa: Turan jáne Máńgilik el dańǵyldary arqyly – 1,5 saǵat, Qabanbaı batyr dańǵyly arqyly – 2 saǵatqa jýyq. — Sol jaǵalaýǵa: Turan dańǵyly arqyly – 1 saǵattan sál artyq, Qabanbaı batyr dańǵyly arqyly – 2 saǵat 15 mınýt.
*Qabanbaı batyr dańǵylynyń júktemesi onyń tranzıttik kóshe retindegi rólimen, 32 baǵdarshammen jáne Qosshydan keletin kólik aǵymymen baılanysty.
