Shahterlar shattyǵy: Kásibı merekede tájirıbeli mamandarǵa qurmet kórsetildi

Foto: jeke qorynan

Qarmet kompanııasynyń 18 shahterine «Qurmet», III dárejeli «Eńbek dańqy» , «Eren eńbegi úshin» memlekettik marapattary tabystaldy. Marapatty Qaraǵandy oblysynyń ákimi Ermaǵanbet Bólekpaev tapsyrdy, – dep habarlaıdy qandastar.kz.

«Shahter — bul mártebe jáne minez. Shahterler tek eńbekqorlyǵymen, tabandylyǵymen jáne batyldyǵymen ǵana emes, sondaı-aq adaldyǵymen jáne jaqynyna kómek kórsetýge daıyndyqpen de erekshelenedi. Osy qurmetti mamandyqtyń ókilderin shyn júrekten quttyqtaımyn. Shahterler aıtpaqshy – Tas tóbeniń bekemdigin tileımin. Shahter kúni qutty bolsyn!», – dedi Bólekpaev.

«Qurmet» ordeniniń ıegerleriniń biri Nurjan Ýálıev «Teledıdardan Prezıdentimizdiń shahterlerdi marapattaý týraly Jarlyqqa qol qoıǵanyn estip, jumysqa kelsem, maǵan «Qurmet» ordeni berilgenin aıtty. О́zim Abaı shahtasynda 5-razrıadty prohodchık bolyp jumys isteımin, eńbek ótilim – 33 jyl. Men óte qýanyshtymyn, bul úlken estelik, nemerelerim kóretin bolady. Barlyqtaryńyzdy merekemen quttyqtaımyn!» degen pikir bildirdi ol.

Memlekettik nagradalardan basqa, «Shahter Dańqy» úsh dárejesi, «Eńbek dańqy» II dárejesi belgileri jáne «Eńbek ardageri» medaldary da tapsyryldy. Marapattalǵandar arasynda tazalaý jumystarynyń taý-kenshileri, taý-ken mashınalarynyń mashınısteri, jer astyndaǵy elektr slesarlary jáne energetıkter boldy. Marapattardy QR Indýstrııa jáne qurylys mınıstriniń orynbasary Oljas Saparbekov tapsyrdy.

«О́mirlerińizdi aýyr, biraq qurmetti iske arnadyńyzdar. Tabandylyqtaryńyzben jáne janqııarlyq eńbekterińizben ulttyq ekonomıkanyń ósýine jáne memleketimizdiń táýelsizdiginiń nyǵaıýyna úles qosýdasyzdar», – dep atap ótti Saparbekov.

Shahterlerdi Qarmet kompanııasynyń basshylyǵy da quttyqtady. О́ndiristiń on bir úzdik qyzmetkerine «Chevrolet Onix» jeńil avtokólikteriniń kiltteri tabys etildi. Syılyqtardy Qarmet kompanııasynyń dırektorlar keńesiniń tóraǵasy Andreı Lavrentev, Bas dırektor Vadım Basın jáne Kómir departamentiniń dırektory Jahan Muhamedjanov tapsyrdy. Avtokólik ıeleri: Vladımır Jýkov (Kostenko shahtasynyń jer asty elektr slesary), Vıktor Dýlsha (Kúzembaev atyndaǵy shahtanyń taý-ken jumysshy jóndeýshisi), Vladımır Býlatkın (Kúzembaev atyndaǵy shahtanyń taý-ken mashınalarynyń mashınısti), Ivan Shevov (Saranskaıa shahtasynyń ÝPR-1 prohodchıgi), Konstantın Proenko (Abaı shahtasynyń taý-ken mashınalarynyń mashınısti), Ildýs Qurmanov (Qazaqstan shahtasynyń taý-ken mashınalarynyń mashınısti), Sergeı Malenok (Lenın atyndaǵy shahtanyń ÝPR-1 prohodchıgi), Abdýl Shabanov (Shahtınskaıa shahtasynyń ÝPR-1 prohodchıgi), Amangeldi Jumakov (Tentekskaıa shahtasynyń ÝPR-3 prohodchıgi), Rýslan Kıshman (Shyǵys OF-tyń jóndeý jáne qyzmet kórsetý slesary) jáne Aleksandr Kaıdalov (ÝSShMD burǵylaý qondyrǵysynyń mashınısti).

«Shahtalarda burǵylaýshy bolyp jumys isteımin. Meniń eńbek ótilim 26 jyl, mundaı jaǵdaı ómirimde alǵash ret boldy. Kólikti ózim júrgizemin, biraq aldymen júrgizýshi kýáligin alý kerek», – dedi Aleksandr Kaıdalov tolqyp.

Qarmet kompanııasynyń dırektorlar keńesiniń tóraǵasy Andreı Lavrentev quttyqtaý sóz sóıledi.

«Bul kúni men sizderge zor densaýlyq jáne jańa jeńister tileımin. Árqaısyńyz úshin eń mańyzdysy, bizdiń Otanymyz damyp, Qaraǵandy qalamyz shahterler astanasy degen úlken jáne kúshti ataqty maqtanyshpen alyp júrýi. Osylaı jalǵasa beredi. Osy uly erlik, kúsh jáne batyldyq merekesimen quttyqtaımyn. Barlyǵyńyzǵa jaqsylyq tileımin», – dedi Lavrentev.

Qarmet Bas dırektory Vadım Basın de áriptesterin aldaǵy merekemen quttyqtap, jańa jetistikter men qaýipsiz jumys tiledi.

«Qurmetti jerlester, áriptester, qadirli shahterler men kómir salasynyń ardagerleri! Jer astyndaǵy eń bastysy – shahter. О́z isine adal, erjúrek jáne janqııarlyqpen eńbek etetin adamdar, jyldar boıy bir-birine ıyq tirese jumys istep, qýanysh pen jeńisti bólisedi. Barshańyzdy merekemen quttyqtaımyn! Densaýlyq, baqyt, amandyq, qaýipsiz jumys jáne jańa jeńister tileımin!», – dep quttyqtady ol.

Quttyqtaýǵa Kómir departamentiniń dırektory Jaqan Muhamedjanov ta qosylyp, taý-kenshilerdiń erlik eńbekterin atap ótti.

«Dástúr boıynsha tamyz aıynyń sońǵy jeksenbisinde biz óz kásibı merekemiz – Shahter kúnin atap ótemiz. Bizdiń tarıhymyz jalǵasyp jatyr, óz isimizdi durys túsinsek, bári sátti bolady. Barshańyzǵa myqty densaýlyq, jaqyndaryńyzǵa amandyq tileımin. О́zderińizdi kútińizder, merekelerińizben!», – dedi Jaqan Muhamedjanov.

Marapattaý rásiminiń sońǵy bóliginde qazaqstandyq jáne sheteldik estrada juldyzdarynyń qatysýymen keremet konert ótti. Shahterler úshin horeografııalyq ansamblder, ánshiler Marat Bekishev, Talǵat Idrısov, Nurlan Abdýllın jáne Igor Nıkolaev óner kórsetti.