Shahtınskide sarbaz asylyp óldi: Ulttyq ulan sýııdtiń sebebin atady

Foto: ashyq derekkóz

Shahtınsk qalasyndaǵy kópqabatty úılerdiń birinen Ulttyq ulanǵa qarasty «Ortalyq» 6505 RGK áskerı bóliminiń kelisimshart boıynsha jumys istep júrgen áskerı qyzmetshiniń máıiti tabyldy,  dep habarlaıdy qandastar.kz.

Ol belbeýine ilingen kúıde tabyldy. QR Ulttyq ulany «Ortalyq» RQK baspasóz qyzmeti bolǵan oqıǵaǵa qatysty túsinikteme berdi.

«Áskerı qyzmetshiniń máıiti jumystan tys ýaqytta, turǵylyqty jerindegi páterinen tabyldy. Aldyn ala málimet boıynsha áskerı qyzmetshi otbasyndaǵy janjal saldarynan óz-ózine qol jumsaǵan. Qazaqstan Respýblıkasy Ulttyq ulanynyń «Ortalyq» RMK qolbasshylyǵy áskerı qyzmetshiniń otbasy men týǵan-týystaryna qaıǵysyna ortaqtasyp, kóńil aıtady», – delingen habarlamada.

Atalǵan faktige baılanysty qylmystyq is qozǵaldy. Sebepter men mán-jaıy anyqtalýda.