Shatalov ózin reseıshil dep aıyptaǵandarǵa jaýap berdi

Foto: Májilis

Májilis depýtaty Nıkıta Shatalov ózine qatysty tarap jatqan aıyptaýlar men qaýesetterge jaýap berdi, dep habarlaıdy qandastar.kz

«Men qazaqpyn, bul – meniń basty bolmysym. Sońǵy ýaqytta meni «vatnık», «sheteldiń agenti», «prokremldik» dep aıyptaǵandar boldy. Biraq bul aıyptaýlardyń eshqaısy shyndyqqa janaspaıdy», – dedi Shatalov.

Depýtattyń aıtýynsha, onyń sózderi keıbir reseılik BAQ-ta burmalanyp, konteksten úzilgen. Ol bul jaǵdaıdyń manıpýlıaııa ekenin jáne oǵan qarsy turatynyn jetkizdi.

«Men táýelsiz Qazaqstanda dúnıege keldim. Ol kezde, Qudaıǵa shúkir, Keńes Odaǵy joq edi. Osy jerde ósip-óndim, otbasyn qurdym, balaly-shaǵaly boldym. Meniń jalǵyz Otanym – Qazaqstan. Basqa otanym joq jáne bolmaıdy da!», – dedi ol.

Dalanews.kz jazǵandaı, Shatalov qazirgi jaǵdaıdy aqparattyq shabýyl dep sanaıtynyn aıtyp, bul máseleni jaı qaldyrmaıtynyn málimdedi. Sonymen qatar ol aldaǵy ýaqytta mundaı túsinbeýshilikterge jol bermeýge tyrysatynyn atap ótti.

Eske salaıyq, buǵan deıin Májilis depýtaty Nıkıta Shatalov kýlýarda áleýmettik jelide ózine qarsy kóp jazylǵan synı pikirlerge jaýap bergen edi. Nıkıta Shatalov “paragraf” saıtynda óziniń ómirbaıany qate jazylyp ketkenine (QazSSR-da týǵan dep jazylǵan) óziniń qatysy joǵyn aıtqan bolatyn. Ony tehnıkalyq qatelik dep atady. Aqparat kózine habarlasyp, qatelikti túzetýdi ótingenin de jetkizdi.

«Sol qatelikti birtúrli aınaldyryp, men kózimmen kórmegen sovet odaǵymen aralastyryp jiberipti. Men oǵan kóp nazar aýdarmaımyn. Adamdar aqparatpen manıpýlıaııa jasap, men jazbaǵan, aıtpaǵan aqparattardy taratty. Men jarııa tulǵa ekenimdi eskere kele buǵan sabyrly túrde qaraımyn», – deıdi ol.

Depýtat ózin reseıshil dep aıyptaǵandardyń aıtqany “qyp-qyzyl ótirik” dep jaýap berdi. Geosaıasat jaıly sóz qozǵaǵanda árdaıym Qazaqstannyń ulttyq múddesi turǵysynan jazatynyn jetkizdi.

Men osy eldiń patrıotymyn. Basqa adamdarǵa birdeńe dáleldeýge zaýqym joq. Meni jiti oqyǵan adamdar, sózimdi oqyp, kórip otyrǵandar qandaı múddelerdi qorǵaıtynymdy biledi. Ustanymymnyń Reseıge esh qatysy joq. О́kinishke qaraı, mundaı qubylys men etnıkalyq orys bolǵannan keıin týyndap jatyr dep aıtýǵa májbúrmin. Sebep sol, – deıdi ol.

Buǵan deıin Nıkıta Shatalov áleýmettik jelidegi paraqshasynda geosaıası taqyrypta jazba qaldyryp, sol úshin synǵa qalǵan edi. Ony reseıshil dep aıyptaǵandar boldy. Ol sózinde Ýkraınany qoldap otyrǵan Batys elderin “ıdealıst” dep atap, Ýkraına prezıdentiniń komandasyn synaǵan. Onyń aldynda Kaspıı qubyry konorıýmynyń Reseıdegi stanııasyna dronmen shabýyl jasalǵanda Shatalov Qazaqstan Ýkraınany jaýapkershilikke shaqyrý kerek dep málim etken.