الەم جاڭالىقتارى
شاۆكات راحمونوۆ مۇلدە جەڭىلمەگەن يرلانديالىق سپورتشىنى وزدى
فوتو: sport24.ru
قازاقستاندىق شاۆكات راحمونوۆ (18-0) لاس-ۆەگاستا (اقش, نەۆادا شتاتى) UFC 310 تۋرنيرىندە يرلانديالىق فايتەر يەن گەرريمەن جەكپە-جەككە شىعىپ, تورەشىلەردىڭ ءبىراۋىزدان شەشىمىمەن قارسىلاسىنان باسىم ءتۇستى, دەپ جازدى qandastar.kz
يرلانديالىق فايتەر دە بۇعان دەيىن ەشقاشان جەڭىلىپ كورگەن جوق ەدى. قازىرگە دەيىن 15 جەكپە-جەگىنىڭ بارلىعىندا قارسىلاستارىن قاپى قالدىرىپ كەتتى.
بۇگىنگى جەكپە-جەك بەس راۋندقا جوسپارلانعان بولاتىن. ناتيجەسىندە تورەشىلەردىڭ ءبىراۋىزدان شەشىمىمەن جەڭىس شاۆكاتقا بەرىلدى.
وسىلايشا قازاقستاندىق سپورتشى كاسىبي مانسابىندا ون توعىزىنشى مارتە جەڭىسكە جەتىپ وتىر. ال يەن گەرري العاش رەت جەڭىلىستىڭ اششى ءدامىن تاتتى.
