Shavkat Rahmonov UFC-den nege shettetildi?

Foto: ınstagram

Qazaqstandyq faıter Shavkat Rahmonov chempıondyq belbeý úshin jekpe-jekten n ýaqytsha shettetildi, dep habarlaıdy Skifnews.kz aqparat portaly Tengri Sport-qa silteme jasap.

UFC kommentatory Alekseı Volodınniń pikirinshe, amerıkalyq sportshy Shon Bredı qazir Shavkattyń dıvızıonynda jańa kóshbasshyǵa aınalýy múmkin.

Shon Bredı UFC Fight Night 255 týrnırinde brıtandyq Leon Edvardsty tórtinshi raýndta jeńip, úlken serpilis jasady. Bul jeńisten keıin ol jartylaı orta salmaqtaǵy reıtıngtiń birinshi satysyna kóterildi.

Bredı qazir Edvardsty yǵystyryp, ýaqytsha kóshbasshy boldy. Ol tıtýl úshin jekpe-jekke birinshi kezekte turýy múmkin. Al Shavkatqa, ókinishke qaraı, bir jekpe-jek ótkizýge týra keletin sııaqty. О́ıtkeni ol buǵan deıin usynylǵan tıtýldyq kezdesýge jaraqatyna baılanysty shyǵa almady, – dedi Volodın.

UFC jańartylǵan reıtıngine sáıkes, Bredı qazir 1-orynda, al Shavkat 2-orynǵa tústi. Chempıondyq belbeýdiń qazirgi ıegeri – Belal Mýhammad, ol 2024 jyldyń shildesinde Edvardsty jeńip tıtýlǵa qol jetkizgen.

Belal Mýhammad endi alǵashqy tıtýldy 2025 jyldyń 10 mamyrynda UFC 315 týrnırinde avstralııalyq Djek Della Maddalenaǵa qarsy jekpe-jekte qorǵaıdy. Bul týrnır Kanadadaǵy Monreal qalasynda ótedi.

Aıta keteıik, bastapqyda Belal men Shavkat arasyndaǵy jekpe-jek josparlanǵan bolatyn, biraq Shavkat jaraqatyna baılanysty jekpe-jekten bas tartýǵa májbúr boldy. Bul – olardyń jekpe-jeginiń ekinshi ret ótpeı qalýy. Buǵan deıin jeltoqsan aıyndaǵy UFC 310 týrnırinde Belal jekpe-jekten shettetilip, onyń ornyna shyqqan ırlandııalyq Ien Gerrı tóreshiler sheshimimen Shavkattan jeńilip qalǵan.