«Sheck up jasady…» – Depýtat Ermurat Bapıdy áldekimder ýlaýy múmkin be?

Depýtattyń: «Dıagnoz belgisiz… Ýlaný men ýlandyrýǵa qatysty kúdik bar deıdi… Kletkalyq-molekýrıalyq negizde dıagnostıka qajet eken… Kórermiz… Aman bolaıyq, aǵaıyn!», – degen jazbasynan soń jurttyń oıy san-saqqa júgirdi. Bireýler muny «reseılik agentterdiń isi bolýy múmkin» dese, endi bireýler «analardan bárin kútýge bolady» dep Eski Qazaqstan ókilderin meńzeıdi. «Demokratııa dep shapqylap júrip sharshaǵansyz ǵoı» dep jazba qaldyrǵandar da bar.

NEGE tilshisi eki kúnnen beri aýrýhanada qaralyp júrgen Májilis depýtaty Ermurat Bapıdyń ózine habarlasyp, jaǵdaıyn surady.

– Ýlaný degen boljam bar. Biraq bul áli naqtylanǵan joq. Mende bul dert naýryz aıynan beri paıda boldy. Sol kezde QR Prezıdentiniń Is basqarmasy medıınalyq ortalyǵynyń aýrýhanasyna 15-20 kún jatyp, analız tapsyrǵanda da dıagnozy tabylmady. Qan, gıstologııa, parazıt, bıopsııaǵa deıin, barlyq analızdi tapsyrdym. Qazaqstanda qandaı dıagnozǵa tapsyrýǵa bolady, bárin aldy.

Bylaısha aıtqanda, chek up jasady ǵoı. Eshteńe tabylmady. Mamandar konsılıým kezinde «ýlanýyń múmkin» degen nusqa keltirip, jasýshalyq deńgeıde tekserý kerektigin aıtty.

Qolymdaǵy isik aýyq-aýyq shyǵyp turady. Bir aptanyń, on kúnniń ishinde qyshyp bastaıdy da, isip ketedi. Qyshyǵan kezde janymdy shyǵarady. Sosyn isigen jerdiń temperatýrasy kóteriledi. Ýlaný men ýlandyrýǵa qatysty aıtqanym – boljam ǵana. Sondyqtan naqty aıtýǵa kelmeıdi. Dárigerler de: «Bul bizdiń 40 jyldyq tájirıbemizde bolmaǵan dúnıe», – dep kúdiktenip otyr. Qazir sheteldik bir klınıkaǵa qaralý kerek degen usynys aıtty. Iaǵnı, jasýshanyń bárin tekserý qajet. Jaǵdaıym osyndaı.