قارجى جانە تولەمدەر
شەنەۋنىك 279 ملن تەڭگە بيۋدجەت قارجىسىن جىمقىرعان
فوتو: اشىق دەرەككوز
قىزىلوردا وبلىستىق سوتى «قىزىلوردا» ماگيسترالدىق گاز قۇبىرلارى باسقارماسىنىڭ بۇرىنعى باسشىسىنىڭ ورىنباسارىنا ۇكىم شىعاردى. ول قىزمەتتىك وكىلەتتىگىن پايدالانىپ, الداۋ ارقىلى 279 ملن تەڭگەدەن استام قارجىنى جىمقىرعانى ءۇشىن كىنالى دەپ تانىلدى, دەپ جازادى qandastar.kz
باس كولىك پروكۋراتۋراسىنىڭ اقپاراتىنشا, سوتتالعان ازامات ەكى جىل بويى «OrdaGlass LTD» جانە «HH&B Holding» جشس مەردىگەرلىك ۇيىمدارىمەن قىمبات باعامەن كەلىسىم-شارتتار جاساسقان. ول مەردىگەرلەردى جاڭىلىستىرىپ, قارجىنىڭ كوپ بولىگى قۇرىلىس- مونتاج جۇمىستارىنا جۇمسالعانىن, سونداي-اق قۇرىلىس ماتەريالدارىنىڭ باعاسى ايتارلىقتاي وسكەنىن مالىمدەگەن.
باس كولىك پروكۋراتۋرانىڭ مەملەكەتتىك ايىپتاۋشىسى سوتتا ونىڭ كىناسىن دالەلدەدى.
سوتالۋشى 6 جىلعا باس بوستاندىعىنان ايىرىلىپ, مەملەكەتتىك قىزمەتتە جانە كۆازيمەملەكەتتىك سەكتوردا لاۋازىم اتقارۋ قۇقىعىنان ءومىر بويىنا ايىرىلدى.
سوت ۇكىمى زاڭدى كۇشىنە ەندى.
