جاڭالىقتار
شەرزات بولاتتىڭ ولىمىنە قاتىستى تەرگەۋ اياقتالدى
فوتو: سكرين
تالعارداعى شەرزات بولاتتىڭ ولىمىنە قاتىستى تەرگەۋ اياقتالدى. تاراپتار قىلمىستىق ءىس ماتەريالدارىمەن تانىستى. بۇل تۋرالى الماتى وبلىسىنىڭ پوليتسيا دەپارتامەنتى مالىمدەدى, دەپ حابارلايدى qandastar.kz
وبلىستىق پوليتسيا دەپارتامەنتىنىڭ Instagram پاراقشاسىندا حابارلانعانداي, ءىس پروكۋرورعا جولداندى.
«كامەلەتكە تولماعان بالانى ءولتىرۋ فاكتىسى بويىنشا وتكەن جىلدىڭ 4 قازانىنا قاراعان ءتۇنى بولعان قىلمىستى تەرگەۋ اياقتالدى. تاراپتار قىلمىستىق ءىس ماتەريالدارىمەن تولىق تانىستى, ءىس سوتقا جىبەرۋ ءۇشىن پروكۋرورعا جولداندى. تەرگەۋ بارىسىندا 40 سوت ساراپتاماسى جۇرگىزىلدى, شامامەن 200 كۋاگەردەن جاۋاپ الىندى, بارلىق كۇدىكتىنىڭ وقيعا ورنىندا ايتقان جاۋاپتارى تەكسەرىلدى, پروتسەسس قاتىسۋشىلارى اراسىندا بەتتەستىرۋلەر وتكىزىلدى, سونداي-اق قىلمىستىڭ بارلىق ءمان-جايىن انىقتاۋعا باعىتتالعان وزگە دە تەرگەۋ ارەكەتتەرى جۇزەگە اسىرىلدى. قىلمىسقا قاتىسۋشىلاردىڭ بارلىعىنا قۇقىقتىق باعا بەرە وتىرىپ, 8 بەينەماتەريال زەرتتەلدى. قىلمىستىق ءىس 62 تومنان تۇرادى, ونىڭ ىشىندە بارلىق جينالعان دالەلدەمە, ساراپتاما قورىتىندىلارى, جاۋاپ الۋ حاتتامالارى جانە باسقا دا ماڭىزدى ماتەريالدار بار. ءاربىر تەرگەۋ ارەكەتى قىلمىستىق زاڭناما تالاپتارىنا سايكەس جۇرگىزىلدى, تەرگەۋدىڭ بارلىق كەزەڭىندە زاڭدىلىق, اشىقتىق جانە وبەكتيۆتىلىك قامتاماسىز ەتىلدى. تەرگەۋدىڭ بارىسى جانە پروتسەسس قاتىسۋشىلارىنىڭ كونستيتۋتسيالىق قۇقىقتارىنىڭ ساقتالۋى پروكۋراتۋرا ورگاندارىنىڭ باقىلاۋىندا بولدى», — دەلىنگەن حابارلامادا.
