Sherzat isi boıynsha appelıaııalyq sot: Sakıevtiń anasy tilshilerdi balaǵattaǵany úshin keshirim surady

Foto: Orda.kz.

5 maýsym kúni sot Sherzat isindegi Ravıl Sakıevti buzaqylyq pen kisi óltirýge oqtalǵany úshin 20 jylǵa kolonııaǵa qamaý jazasyna kesti, dep jazdy qandastar.kz

Osy úkim jarııalanǵannan keıin onyń anasy Baıan Sarmanova aıǵaı-shý shyǵaryp, daý týǵyzǵan edi. Sol kezde oqıǵany jarııalap júrgen jýrnalısterge de ol daýys kóterip, balaǵattaǵan bolatyn. Búgin áıel sol qylyǵy úshin keshirim surady, dep habarlaıdy Orda.kz.

Sol kezdegi dóreki sózderi úshin áıelge qoǵamdyq tártipti buzdy degen aıyp taǵylyp, aıyppul salynǵan edi.

Búgin apellıaııalyq shaǵym qaralǵan kezde ol jýrnalısterden óz qylyǵy úshin keshirim surap, olardyń tek óz mindetin atqaryp júrgenin moıyndady.

«Emoııaǵa berilip, balaǵat sózder aıtqanym úshin dál jýrnalısterden keshirim suraımyn. Sizderdiń bul iske qatystaryńyz da, kinálaryńyz da joq. Ol sizderdiń jumystaryńyz. Al men búgingi appelıaııalyq sotta qasaqana adam óltirý babymen aıyptap, 20 jylǵa sottaǵanyna, sol 99 bapqa kelispeımin. Balam da kelispeıdi. Ol jerde beınetaspada kimniń qolynda pyshaq bolǵany kórinip tur. Meniń balamdy dáleldenbegen dep prokýratýra óziniń jazǵanyna ózi qaıshy shyǵyp jatyr. Balamdy 293 bappen, buzaqylyq jasady dep aıyptaǵandaryna kelisemin.  Búkil sotta men balalardan surap shyqtym. Olar Ravıl qaıda bara jatqanyn bilgen joq dedi. Men búgingi sotqa sony surap kelip turmyn», — dedi Ravıldiń anasy.

Degenmen, áıel áli kúnge deıin uly eshkimniń ómirine qastandyq jasamaǵanyn, onyń kinási tek buzaqylyqpen shekteletinin aıtyp otyr.

Aıta ketý kerek, sot úkimi oqylǵan soń, sottalýshylar ózderi otyrǵan orynnyń áınegin uryp, esigin teýip, narazylyq bildirdi. Olardyń ata-analary men jaqyndary osydan keıin óre túregelip, aıqaıǵa basty.

Bul oqıǵa qazaq qoǵamyn dúr silkindirip, qyzý talqyǵa tústi. Oqıǵa byltyr Talǵarda 4 qazan kúni bolǵan edi. Bir top adam, sonyń ishinde osy sottalýshylar dúken ıesi Qarjaýbaımen, uly Sherzatpen jáne aǵasy Nurǵanatpen janjaldasyp, arty kisi ólimine ulasty. 16 jasar Sherzat qaza boldy.

9 jeltoqsan kúni tańerteń jasóspirim Sherzat Polattyń aǵasy Nurǵanat Ǵaıypbaevtyń denesi marqum Sherzattyń zıratynyń qasynan tabyldy. 12 qazan kúni Azat aýylyndaǵy marqum bolǵan Sherzattyń otbasynyń úıi órtenip ketti.