شەرزات پولاتتىڭ اكەسى جاڭا ارىز ءتۇسىردى

فوتو: سكرين

تالعارداعى جاپپاي توبەلەس كەزىندە قازا تاپقان شەرزات پولاتتىڭ اكەسى قارجاۋباي نۇرىموۆ كۇدىكتىلەردىڭ ۇستىنەن جاڭا ارىز ءتۇسىرىپ جاتىر, دەپ حابارلايدى .

بۇل تۋرالى جابىرلەنۋشى تاراپتىڭ جاڭا ادۆوكاتى مەيىرمان شەكەەۆ مالىمدەدى.

ادۆوكاتتىڭ ايتۋىنشا, ءىستى زەرتتەۋ بارىسىندا قىلمىستىق ءىس شەڭبەرىندە ازاماتتىق تالاپ بەرىلمەگەنى انىقتالعان.

«ءبىز ءوز تالابىمىزدى دايىنداپ جاتىرمىز. بۇل – قارجاۋباي قارجىلاي پايدا كورىپ قالسىن دەگەن ماقساتتا ەمەس. قاماۋداعى كۇدىكتىلەردىڭ مەرزىمىنەن بۇرىن بوساپ كەتپەۋى ءۇشىن جاسالىپ وتىر», – دەيدى شەكەەۆ.

Ulysmedia.kz حابارلاعانداي, ادۆوكات باستى سۇراقتاردىڭ ءبىرى – وقيعا ورنىندا بولعان ەكى قىزدىڭ تاعدىرى تۋرالى دا پىكىر ءبىلدىردى.

«قوعامدا ولار قىلمىستىق ىسكە قاتىسى بار دەپ ايتىلىپ ءجۇر. الايدا, ءىس ماتەريالدارى بويىنشا, ولار تەك كۋاگەر رەتىندە جاۋاپ بەرگەن», – دەپ ءتۇسىندىردى ادۆوكات.

9 كۇدىكتى بار

بۇل ءىس بويىنشا 9 كۇدىكتى بار.

ولاردىڭ بىرەۋى – كامەلەتكە تولماعان ءجاسوسپىرىم. وعان قىلمىستىق كودەكستىڭ 434-بابى (قىلمىس تۋرالى حابارلاماۋ) بويىنشا ايىپ تاعىلعان.

ءىس بويىنشا 6 جابىرلەنۋشى تىركەلگەن, ونىڭ ىشىندە شەرزات پولات پەن نۇرقانات بار.

سوت وتىرىسى قاشان باستالادى?

شەرزات پولاتتىڭ ءىسى سوتقا جىبەرىلدى.

«بارلىق قۇجاتتارمەن تانىستىق. العاشقى سوت وتىرىسى ءساۋىردىڭ ورتاسىندا باستالۋى مۇمكىن», – دەيدى ادۆوكات مەيىرمان شەكەەۆ.

بۇل ءىس بويىنشا جابىرلەنۋشىلەردىڭ قۇقىعىن بىرنەشە تاجىريبەلى ادۆوكات قورعايدى. ولاردىڭ قاتارىندا مەيىرمان شەكەەۆ, ءالىم مۇستاپاەۆ, جاندوس پالمانوۆ, بەكزات نيازوۆ, باعدات اماندوس ۇلى, نۇربولات يبراەۆ, دينا دوساەۆا بار.

ەسكە سالا كەتەيىك, بۇعان دەيىن قارجاۋباي نۇرىموۆ ءوز ادۆوكاتتارىنان باس تارتقان بولاتىن.