Jańalyqtar

Sherzat Polattyń ákesi jańa aryz túsirdi

Foto: skrın

Talǵardaǵy jappaı tóbeles kezinde qaza tapqan Sherzat Polattyń ákesi Qarjaýbaı Nurymov kúdiktilerdiń ústinen jańa aryz túsirip jatyr, dep habarlaıdy .

Bul týraly jábirlenýshi taraptyń jańa advokaty Meıirman Shekeev málimdedi.

Advokattyń aıtýynsha, isti zertteý barysynda qylmystyq is sheńberinde azamattyq talap berilmegeni anyqtalǵan.

«Biz óz talabymyzdy daıyndap jatyrmyz. Bul – Qarjaýbaı qarjylaı paıda kórip qalsyn degen maqsatta emes. Qamaýdaǵy kúdiktilerdiń merziminen buryn bosap ketpeýi úshin jasalyp otyr», – deıdi Shekeev.

Ulysmedia.kz habarlaǵandaı, advokat basty suraqtardyń biri – oqıǵa ornynda bolǵan eki qyzdyń taǵdyry týraly da pikir bildirdi.

«Qoǵamda olar qylmystyq iske qatysy bar dep aıtylyp júr. Alaıda, is materıaldary boıynsha, olar tek kýáger retinde jaýap bergen», – dep túsindirdi advokat.

9 kúdikti bar

Bul is boıynsha 9 kúdikti bar.

Olardyń bireýi – kámeletke tolmaǵan jasóspirim. Oǵan Qylmystyq kodekstiń 434-baby (qylmys týraly habarlamaý) boıynsha aıyp taǵylǵan.

Is boıynsha 6 jábirlenýshi tirkelgen, onyń ishinde Sherzat Polat pen Nurqanat bar.

Sot otyrysy qashan bastalady?

Sherzat Polattyń isi sotqa jiberildi.

«Barlyq qujattarmen tanystyq. Alǵashqy sot otyrysy sáýirdiń ortasynda bastalýy múmkin», – deıdi advokat Meıirman Shekeev.

Bul is boıynsha jábirlenýshilerdiń quqyǵyn birneshe tájirıbeli advokat qorǵaıdy. Olardyń qatarynda Meıirman Shekeev, Álim Mustapaev, Jandos Palmanov, Bekzat Nııazov, Baǵdat Amandosuly, Nurbolat Ibraev, Dına Dosaeva bar.

Eske sala keteıik, buǵan deıin Qarjaýbaı Nurymov óz advokattarynan bas tartqan bolatyn.

Ilmekter

Osy aıdarda

Dobavıt kommentarıı

Close