الەم جاڭالىقتارىجاڭالىقتار
شەتەلدىك قازاقتار قازاقستان رەسپۋبليكاسىندا قانداي جەڭىلدىكتەر الا الادى?
ەتنيكالىق قازاقتارعا – باسقا ەلدەردىڭ ازاماتتارىنا قازاقستاندا 10 جىل ءومىر سۇرۋگە جانە جۇمىس ىستەۋگە قۇقىق بەرەتىن 65 «اتا جولى» كارتاسى بەرىلدى. ەلىمىزدە ءوز ءىسىن دامىتۋعا دايىن بيزنەس-يمميگرانتتار 27 كارتا الدى, ال سۇرانىسقا يە ماماندار وسىنداي 38 كارتانىڭ يەگەرى اتاندى.
«اتا جولى» كارتاسىن الۋشىلار ىشىندە ينجەنەر-فيزيك, ينجەنەر-ماتەماتيك, حيميالىق تەحنولوگتار, جاق-بەت حيرۋرگياسىنىڭ دارىگەرلەرى, پەدياترلار جانە ت.ب. ماماندار بار, ولار رەسەي, گەرمانيا, موڭعوليا, قىتاي, ۇلىبريتانيا, اقش, يزرايل, فرانتسيا, نيدەرلاندى, فينليانديا, قىرعىزستان جانە وزبەكستان سەكىلدى شەت ەلدەردەن كەلدى.
«اتا جولى» كارتاسىن ەنگىزۋدىڭ ماقساتى تاريحي وتانىمەن بايلانىستى نىعايتۋ, ۇلتتىق داستۇرلەردى ساقتاۋ, قازاقستاندا ولاردىڭ الەۋەتىن ىسكە اسىرۋ ءۇشىن ەلگە كاسىپقويلار مەن تابىستى بيزنەسمەندەردى تارتۋ بولىپ تابىلادى. بۇل كارتا شەتەلدە تۇراتىن ەتنيكالىق قازاقتارعا ءوز شىعۋ ەلدەرىنىڭ ازاماتتىعىن ساقتاي وتىرىپ بەرىلەدى.
Zakon.kz جازعانداي, «اتا جولى» كارتاسىنىڭ يەگەرلەرى ەلگە كىرگەن كەزدە 10 جىل مەرزىمگە تۇرۋعا رۇقسات الادى جانە ەڭبەك قىزمەتىن جۇزەگە اسىرۋ نەمەسە بيزنەس جۇرگىزۋ ءۇشىن قونىستانۋ ءوڭىرىن دەربەس تاڭدايدى.
«اتا جولى» كارتاسى بار ەتنيكالىق قازاق باسقا ەلدىڭ ازاماتى بولا وتىرىپ, قازاقستان ازاماتتارىمەن جانە قانداستارمەن تەڭ قۇقىقتارعا يە.
