Álem jańalyqtaryJańalyqtar
Sheteldik qazaqtar Qazaqstan Respýblıkasynda qandaı jeńildikter ala alady?
Etnıkalyq qazaqtarǵa – basqa elderdiń azamattaryna Qazaqstanda 10 jyl ómir súrýge jáne jumys isteýge quqyq beretin 65 «Ata joly» kartasy berildi. Elimizde óz isin damytýǵa daıyn bıznes-ımmıgranttar 27 karta aldy, al suranysqa ıe mamandar osyndaı 38 kartanyń ıegeri atandy.
«Ata joly» kartasyn alýshylar ishinde ınjener-fızık, ınjener-matematık, hımııalyq tehnologtar, jaq-bet hırýrgııasynyń dárigerleri, pedıatrlar jáne t.b. mamandar bar, olar Reseı, Germanııa, Mońǵolııa, Qytaı, Ulybrıtanııa, AQSh, Izraıl, Franııa, Nıderlandy, Fınlıandııa, Qyrǵyzstan jáne О́zbekstan sekildi shet elderden keldi.
«Ata joly» kartasyn engizýdiń maqsaty tarıhı otanymen baılanysty nyǵaıtý, ulttyq dástúrlerdi saqtaý, Qazaqstanda olardyń áleýetin iske asyrý úshin elge kásipqoılar men tabysty bıznesmenderdi tartý bolyp tabylady. Bul Karta shetelde turatyn etnıkalyq qazaqtarǵa óz shyǵý elderiniń azamattyǵyn saqtaı otyryp beriledi.
Zakon.kz jazǵandaı, «Ata joly» kartasynyń ıegerleri elge kirgen kezde 10 jyl merzimge turýǵa ruqsat alady jáne eńbek qyzmetin júzege asyrý nemese bıznes júrgizý úshin qonystaný óńirin derbes tańdaıdy.
«Ata joly» kartasy bar etnıkalyq qazaq basqa eldiń azamaty bola otyryp, Qazaqstan azamattarymen jáne qandastarmen teń quqyqtarǵa ıe.
