«شەتەلدىك سپورتشىلارعا ازاماتتىق بەرىپ, ەل اتىنان دوداعا قوسۋ تاجىريبەسىن دوعارۋ كەرەك»: پرەزيدەنت سپورتتاعى قانداي ماسەلەلەردى سىنعا الدى?

شەتەلدىك سپورتشىلارعا ازاماتتىق بەرىپ, ەل اتىنان دوداعا قوسۋ تاجىريبەسىن دوعارۋ كەرەك. مەملەكەت باسشىسى قاسىم-جومارت توقاەۆ جازعى پاريج وليمپيادا ويىندارىنىڭ جۇلدەگەرلەرىمەن كەزدەسۋىندە وسىلاي دەدى. سالاداعى كەمشىلىكتەردى سۇزگىدەن وتكىزىپ, رەفورمانىڭ قاجەتتىلىگىن تىلگە تيىك ەتتى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.

پرەزيدەنت باسقوسۋدا چەمپيوندارعا قۇرمەت كورسەتتى. ەڭ الدىمەن وليمپيادا جەڭىمپازى ەلدوس سمەتوۆتىڭ جەڭىسىنە ەرەكشە توقتالدى.

قاسىم-جومارت توقاەۆ, قازاقستان رەسپۋبليكاسىنىڭ پرەزيدەنتى:

ول بايراقتى باسەكەنىڭ العاشقى كۇندەرى جاقسىلىق ۇشكەمپىروۆتىڭ داڭقتى جولىن جالعادى. ەل تاريحىندا تۇڭعىش رەت دزيۋدودان وليمپيادانىڭ التىن مەدالىن الدى. ەلدوس باۋىرىم, سەن وليمپياداعا اتتانار الدىندا ماعان جانە بارلىق سپورت جانكۇيەرلەرىنە بار كۇش-جىگەرىمدى جەڭىسكە جەتۋ ءۇشىن جۇمسايمىن دەپ ۋادە بەردىڭ. سوزىڭدە تۇردىڭ. ناعىز جىگىتسىڭ! ءبىز ءبارىمىز سەنى ماقتان تۇتامىز. 

ەلدوس سمەتوۆ, پاريج وليمپياداسىنىڭ چەمپيونى:

پاريج وليپياداسى ويىنىندا دزيۋدونىڭ تاريحىنداعى التىندى السام دەگەن ارمانىم بار ەدى سول ارمانعا ءسىزدىڭ جانە حالىقتىڭ قولداۋىنىڭ ارقاسىندا جەتتىم دەپ بىلەمىن.سونىمەن قاتار تورتكۇل دۇنيە كوز تىككەن تورتجىلدىقتىڭ دوداسىنان جۇلدەمەن ورالعان وزگە سپورتشىلارعا, باپكەرلەر مەن اتلەتتەردى دايىنداۋعا ۇلەس قوسقان ازاماتتارعا دا العىس ايتتى. ءاربىر جەڭىس زور ەرىك-جىگەر مەن قاجىرلى ەڭبەكتىڭ جەمىسى دەدى.

قاسىم-جومارت توقاەۆ, قازاقستان رەسپۋبليكاسىنىڭ پرەزيدەنتى:

شىن مانىندە, جۇزدەن جۇيرىك, مىڭنان تۇلپار شىعىپ, الەمدىك باسەكەدە جەڭىسكە جەتۋ وڭاي ەمەس. مۇنداي جاھاندىق دودادا ەل قورجىنىنا تۇسكەن ءار مەدالدىڭ ورنى ايرىقشا. سوندىقتان بۇگىن مەن وليمپيادا جۇلدەسىنە يە بولعان بارشا سپورتشىلارىمىزعا شىنايى ريزاشىلىعىمدى بىلدىرەمىن. 

نازىم قىزايباي, پاريج وليمپياداسىنىڭ قولا جۇلدەگەرى:

پاريج قالاسىندا وتكەن وليمپيادا ويىندارىنداونەر كورسەتكەن قازاقستان ۇلتتىق قۇراما سپورتشىلارىنىڭ اتىنان العىس ايتام. ءبىزدىڭ جەڭىسىمىزدىڭ ارتىندا بۇكىل حالىقتىڭ, مەملەكەتتىڭ قولداۋى مەن سەنىمى تۇرعانى انىق.لە الەكساندرا, پاريج وليمپياداسىنىڭ قولا جۇلدەگەرى:

قۇرمەتتى قاسىم-جومارت كەمەل ۇلى ءبىرىنشى كەزەكتە بارشا قازاق حالقىنا جانە سىزگە العىسىمدى بىلدىرەمىن. پاريج تورىندە قازاقستاننىڭ نامىسىن قورعاۋ مەن ءۇشىن ۇلكەن مارتەبە. مەدالدى جەڭىپ الۋ ءۇشىن ءبىز ۇزدىكسىز جانە تىڭعىلىقتى دايىندالدىق.ءتورت جىلدىقتىڭ تورىنەن كورىنۋ ءاربىر سپورتشىنىڭ ارمانى. سول جولدا قانشاما ادام تەر توگەدى. قىرۋار قارجى بولىنەدى. پرزەديەنت سوڭعى بەس جىلدىقتاعى شىعىننىڭ ەكى ەسە وسكەنىن ايتىپ, بىراق ناتيجە بولماعانىن سىنعا الدى.

قاسىم-جومارت توقاەۆ, قازاقستان رەسپۋبليكاسىنىڭ پرەزيدەنتى:

سالالىق مينيسترلىك, ۇلتتىق وليمپيادا كوميتەتى, وڭىرلەردەگى سپورت باسقارمالارى مەن فەدەراتسيالاردىڭ جۇمىسىندا ولقىلىق كوپ ءارى ءوزارا ۇيلەسىمدى جۇمىس جوق دەپ سانايمىن. قازىرگى جاعدايعا قاراعاندا, سپورت فۋنكتسيونەرلەرى سالانى دامىتۋمەن ەمەس, ميللياردتاعان بيۋدجەت قارجىسىن يگەرۋمەن الەك. ولار تۇپكى ناتيجەگە باس اۋىرتپايدى.باس اۋىرتپاعانى انىق. شەتەلدىك سپورتشىلار ايدى اسپانعا شىعارادى دەپ قاتتى سەنسە كەرەك. ويلاعاندارى بولمادى. لەگيونەرلەر جەرگە قاراتتى. پرەزيدەنت بۇل تاجىريبەمەن ۇزاققا شاپپايتىنىمىزدى اڭعاردى, سالانى تىزگىندەگەندەردى تەزگە سالدى.

قاسىم-جومارت توقاەۆ, قازاقستان رەسپۋبليكاسىنىڭ پرەزيدەنتى:

كەز كەلگەن لەگيونەر ۇلتتىق قۇراماعا شاقىرتۋ العىسى كەلەتىن جاس ءارى بولاشاعىنان كوپ ءۇمىت كۇتتىرەتىن اتلەتتەرىمىزدىڭ جولىن كەسەدى. ودان گورى قازىر بىزدە دامۋى كەنجەلەپ تۇرعان سپورت تۇرلەرىنەن مىقتى شەتەلدىك باپكەرلەردى تارتۋ مۇمكىندىگىن قاراستىرعان ءجون.راسىندا ناعىز تالانتتار تاسادا قالىپ جاتىر. ەلدەگى ىرىكتەۋ سىندارىندا ادىلدىك جوقتىعىنىڭ كورىنىسى. پرەزيدەنت سپورتشىلار تەك جەڭىستى ويلاۋ ءۇشىن وسى جۇيەنى جونگە كەلتىرۋ قاجەتتىگىن تاپسىردى. سونداي-اق, وليمپيادا رەزەرۆىن دايىندايتىن مەكتەپ-ينتەرناتتار مەن كوللەدجدەرگە جان-جاقتى قولداۋ كورسەتۋ كەرەك ەكەنىن ايتتى.

قاسىم-جومارت توقاەۆ, قازاقستان رەسپۋبليكاسىنىڭ پرەزيدەنتى:

مۇنداي وقۋ ورىندارى بارلىق ايماقتا بولۋى قاجەت. الماتىدا جاڭا وليمپيادالىق دايارلىق بازاسى سالىندى. بۇل ءبىزدىڭ سپورتشىلارىمىزدىڭ جوعارى دەڭگەيدە جاتتىعۋىنا زور مۇمكىندىك بەرەدى. وسىنىڭ ءبارى ەلىمىزدە چەمپيونداردىڭ جاڭا بۋىنىن دايىنداپ شىعارۋعا جول اشاتىنىنا سەنىمدىمىن.

Cونىمەن قاتار, بۇگىن مەملەكەت باسشىسىنىڭ جارلىعىمەن ەرمەك بورانباي ۇلى مارجىقپاەۆ قازاقستان رەسپۋبليكاسىنىڭ تۋريزم جانە سپورت ءمينيسترى لاۋازىمىنان بوساتىلدى.

ەرمەك مارجىقپاەۆ بۇل قىزمەتكە 2023 جىلدىڭ 2 قىركۇيەگىندە تاعايىندالدى.

وتستاۆكاعا كەتكەن سپورت ءمينيسترى مالىمدەمە جاسادى. ەرمەك مارجىقپاەۆ توقاەۆ پەن ۇكىمەتكە العىسىن ءبىلدىردى.

«بۇل مەنىڭ ومىرىمدەگى وتە ماڭىزدى كەزەڭ بولدى. پرەزيدەنت پەن ۇكىمەتكە ماعان ارتقان سەنىمى ءۇشىن, سونداي-اق ارىپتەستەرىمە بىرلەسە جۇمىس ىستەگەنى ءۇشىن العىسىمدى بىلدىرەمىن. وتاندىق تۋريزم مەن سپورتتا قولعا العان باستامالار الداعى ۋاقىتتا جالعاسىن تاۋىپ, جەمىسىن بەرەرىنە سەنەمىن», – دەدى ول.