جاڭالىقتار
شەتەلگە 700 توننا مەتالل شىعارماق بولعاندار ۇستالدى
جەتىسۋ وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى پروكۋراتۋرامەن بىرلەسىپ, رۇقسات قۇجاتتارىنسىز جۇمىس ىستەگەن كومپانيانىڭ زاڭسىز قىزمەتىنىڭ جولىن كەستى, دەپ حابارلايدى Qandastar.kz اقپارات پورتالى.
اتالعان كومپانيا ءتۇستى مەتالداردى زاڭسىز قابىلداپ, وڭدەپ, ىلەسپە قۇجاتتارعا جالعان مالىمەتتەر ەنگىزۋ ارقىلى ولاردى بىرنەشە رەت ەل اۋماعىنان شىعارۋعا تىرىسقان.
كاسىپورىن اۋماعىندا جۇرگىزىلگەن ءتىنتۋ شارالارى بارىسىندا شەتەلگە جونەلتۋگە دايىندالعان 600 توننادان استام قورعاسىن جانە 100 توننادان استام اليۋميني قۇيمالارى, سونداي-اق ءتۇستى مەتالل سىنىعى تاركىلەندى.
مەتالل بالقىتۋعا ارنالعان جاسىرىن تسەح پەن ونىڭ قۇرامىن الدىن الا زەرتتەۋگە ارنالعان زەرتحانا جويىلدى.
بۇدان بولەك, نىسان اۋماعىندا زاڭسىز ەڭبەك ەتكەن, كوشى-قون زاڭناماسىن بۇزعان شەتەلدىك ازاماتتار ۇستالىپ, ولار زاڭناماعا سايكەس جاۋاپكەرشىلىككە تارتىلۋدا.
قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلىپ, قىلمىستىق سحەمانىڭ تۇپكى بەنەفيتسيارلارى انىقتالىپ جاتىر.
