Shýhrat Ibragımov memlekettiń qarjysyna maınıngtik ferma ashqan

Qazaqstandyq bıznesmen Alıdjan Ibragımovtiń uly Shýhrat Ibragımov pen Qaırat Satybaldyny ne baılanystyrady? Ákesinen qalǵan baılyqty Shýhrat Ibragımov qalaı meńgerdi nemese onyń zańsyz qıturqy áreketin el bile me? Mine, osy jóninde jýyrda «fair-news.ru» saıty qyzyqty maqala jarııalady dep habarlaıdy «Adyrna» ulttyq portaly.

Sońǵy oqıǵalardy eskersek, marqum bıznesmen Alıdjan Ibragımovtiń uly Shýhrat Ibragımovtiń esimi krıptovalıýtaǵa jáne ol úshin «sýyq ámııandar» dep atalatyn qymbat spýtnıkterdi ǵaryshqa ushyrýdyń arqasynda belgili bolǵan edi. Memlekettik bıýdjetten túsken sonshama qarjy qaıda ketti? Marqum ákesi Alıdjan Ibragımov bar kúsh-jigerin ekonomıka men bıznesti damytýǵa baǵyttasa, uly óziniń kúsh-jigerin óz múddesin kózdeýge, belgili bir adamdardy baıytýǵa baǵyttaýdy jón kórdi.

Jýyrda tutqyndalǵan Qaırat Satybaldymen Shýhrat Ibragımovtiń tyǵyz baılanysy bar ekenin kópshilik bile bermeıdi. Kishi Ibragımov pen Qaırat Satybaldy arasyndaǵy tyǵyz qarym-qatynasty Dýbaı men Bodrýmdaǵy jıi kezdesýler dáleldeıdi. Joǵaryda atalǵan eki tulǵanyń dostyǵy jarnamalanbaǵanymen, kishi Ibragımovtiń Qazaqstan bıýdjetiniń esebinen táýekeldi jáne tıimsiz jobalardy júzege asyrýy onyń Qaırat Satybaldymen ámpaı-jámpaı bolǵandyǵyn kórsetedi.

Qazaqstanda Shýhrat Ibragımov Satybaldynyń qoldaýymen zańsyz maınıngpen jáne elden qarajatty shyǵarýmen aınalysqan. Aqsý qalasynyń irgesindegi maınıngtik fermanyń qurylysyna «Qazhrom» TUQ» AQ bas dırektory Arman Esenjolov Shýhrat Ibragımovtiń nusqaýymen 5 mln AQSh dollary kóleminde bıýdjet qarajatyn bólgen. Bul qarjyǵa eki angar salynyp, 10 MVt elektr qýaty qosylǵan. Iaǵnı, shyn máninde asa iri kólemde bıýdjet qarajaty urlanǵan.

Bul jerde «Qazhrom» TUQ» AQ-na maınıngtik ferma ne úshin qajet degen suraq týyndaıdy? Demek, bul Shýhrat Ibragımov pen onyń yqpaldy seriktesterine qajet boldy degen sóz. Shýhrat Ibragımov bıýdjettiń qarjysyn paıdalanyp, jeke bıznesi úshin maınıngtik ferma ashqan. Tólem Dóń taý-ken kombınatynyń bıýdjeti esebinen júrgizilgen, bul memlekettik bıýdjetke aıtarlyqtaı shyǵyn ákelgen. Atalǵan fermaǵa elektr energııasy Aqsý qalasynyń qalalyq elektr resýrstarynan júrgizilgen. Onyń árbir kılovaty 0,025 AQSh dollaryn quraıdy. Bul elektr energııasynyń qunynyń aıtarlyqtaı tómendetilgenin kórsetedi. Maınıngtik fermany tehnıkalyq qyzmet kórsetý jáne elektr qýatymen qamtamasyz etýdi «Aqyldy qala» JShS júrgizgen, ıaǵnı standartty tenderler men tekserýler ótkizilmeı, fermanyń barlyq qyzmeti kúmándi qolǵa ótip ketken. Bul tikeleı sybaılas jemqorlyq deregin kórsetedi.

Sondaı-aq Shýhrat Ibragımov qarajatty, onyń ishinde bıýdjet qarajatyn shetel shottaryna shyǵarýǵa úles qosqany da belgili boldy. Olar resýrstardy paıdalana otyryp, memleket esebinen baıyǵan. Tipti, onyń ǵarysh aılaǵyn jeke maqsatta paıdalanýynyń ózi osyny ańǵartady. Shýhrat Ibragımovtiń árbir jobasy tolyq kólemde júzege asyrylyp otyrǵan, eshkim oǵan «áı» demegen. Bylaı alyp qaraǵanda, eń aýqatty, baı, yqpaldy meenatsyz, belgili otbasy múshesiniń qatysýynsyz mundaı ister eshkimniń qolynan kelmeıdi.

Mundaı «dostyq» bolmasa, kásipkerdiń jobalaryn ne kútip turǵany ázirge belgisiz. Biraq memleket mıllıardtaǵan dollardy qoldan jiberip alatyny anyq. Sondaı-aq, Shýhrat Ibragımovtiń eki memlekettiń saıası isine aralasý máselesi de búginde ashyq kúıde qalyp otyr. О́ıtkeni, Ibragımov eki memlekettiń saıası arenalarynda erkin áreket etti, bul Qazaqstan men Qyrǵyzstannyń ishki saıası isterine iritki salýy múmkin.

Qoryta aıtqanda, Shýhrat Ibragımov eki eldiń qazirgi tańda «masqara bolǵan» saıasatkerleri men bıznesmenderimen tyǵyz dostyq jáne iskerlik baılanysta bola otyryp, Qazaqstan ekonomıkasyna aıtarlyqtaı zııan keltirdi. Sondaı-aq ol Qyrǵyzstandaǵy saıası jaǵdaıdyń turaqsyzdanýynan Qyrǵyzstan Respýblıkasynyń burynǵy Premer-mınıstri Sapar Isakovtiń ketýine «úles qosty».

Osylaısha bıliktiń joǵary eshelonyndaǵy múddeleri men ambıııalary arqyly Shýhrat Ibragımov óziniń jeke esepterin tolyqtyryp, iskerlik jáne saıası elıtanyń ortasynda biraz «salmaqqa» ıe boldy. Kásipker osy ýaqyt ishinde Qazaqstan jáne kórshiles Qyrǵyzstan Respýblıkasynyń ekonomıkasyna zııan keltirip, sanaýly adamdardyń jeke bıznesiniń paıdasyna ǵana jumys istedi jáne zańnamany óreskel buzdy.