جاڭالىقتار
شىعىن مولشەرى – 1 ملرد تەڭگە: سيريا مەن قازاقستان ازاماتتارى ۇستالدى
![](https://qandastar.kz/wp-content/uploads/2024/05/IMG_5944-780x405.jpeg)
تۇركىستان وبلىسى پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى 7 ادامدى ۇستادى. پوليتسياعا جەتكىزىلگەندەردىڭ 4-ەۋى – قازاقستان ازاماتى, ال قالعان ۇشەۋى – ەلىمىزدە تۇرۋعا ىقتيارحاتى بار سيريا ازاماتتارى. ء«تىنتۋ بارىسىندا پوليتسيا ولاردان 382 اقبوكەن ءمۇيىزىن, 119 توماعا, 20-دان استام قۇس ۇستاۋعا ارنالعان تۇزاق, 7 راتسيا, اڭشىلىق مىلتىق, 1 پنەۆماتيكالىق مىلتىق, وپتيكالىق كورۋ قۇرالى, جارىقتاندىرعىش, بينوكل, شامامەن 15 كەلىگە جۋىق ارقار ەتى جانە باسقا دا زاتتاي دالەلدەمەلەردى تاركىلەدى», – دەلىنگەن حاباردا. براكونەرلىك فاكت بويىنشا قىلمىستىق ءىس قوزعالدى. ءتيىستى ساراپتامالار تاعايىندالدى. مەملەكەتكە كەلتىرىلگەن شىعىننىڭ الدىن الا ەسەپتەلگەن كولەمى 1 ميلليارد تەڭگەدەن اسادى.