شىعىس قازاقستاننىڭ 8 اۋدانىندا ءالى دە تاسقىن قاتەرى بار — دەپارتامەنت

«شىعىس قازاقستان وبلىسى بويىنشا جاعداي قالىپتى ءارى ۇنەمى باقىلاۋدا. وبلىستا تاۋلى ايماقتارداعى قار جامىلعىسىنىڭ ەرۋى باستالدى. وسىعان بايلانىستى وڭىردە سۋ تاسقىنىنىڭ ەكىنشى كەزەڭى كەلىپ جەتتى. قازىرگى ۋاقىتتا سۋ تاسقىنى قاۋپى بولۋى مۇمكىن اۋداندار انىقتالدى. ولار سولتۇستىك-شىعىس, شىعىس ايماقتاردا ورنالاسقان — ريددەر, التاي, سامار, مارقاكول, گلۋبوكوە, قاتونقاراعاي, كۇرشىم, شەمونايحا اۋداندارى», — دەدى ول ورتالىق كوممۋنيكاتسيالار قىزمەتىندەگى برنيفينگتە.

ونىڭ اتاپ وتۋىنشە, شىعىس قازاقستان وبلىسىندا قار جامىلعىسى 44 پايىز اۋماقتى الىپ جاتىر. جەرگىلىكتى اتقارۋشى جانە مۇددەلى مەملەكەتتىك ورگانلار جاعدايدى ءجىتى باقىلاۋدا ۇستاۋ ءۇشىن تۇراقتى تۇردە اۋەدەن باقىلاۋ جۇرگىزىپ وتىر.

«بىزدەگى بۇكىل گيدروتەحنيكالىق قۇرىلىستار شتاتتىق رەجيمدە جۇمىس ىستەپ تۇر. سۋ تاسقىنى كەزەڭى ۇنەمى باقىلاۋدا», — دەدى دينا بەكسۇلتانوۆا.