شىعىسقازاقستاندىق ايەل زورلانعانى جايلى جالعان اقپارات بەرگەن

فوتو: اشىق دەرەككوز

شىعىس قازاقستان وبلىسىندا زورلاۋ تۋرالى كورىنەۋ جالعان حابارلاۋ وقيعاسى انىقتالدى, دەپ جازدى qandastar.kz

تەرگەۋ بارىسىندا بيىل اقپان ايىندا ازاماتشا «ش» ءوزىنىڭ تانىسى «ك»-مەن پاتەردە ماساڭ كۇيىندە ونىمەن ءوز ەركىمەن جىنىستىق قاتىناسقا تۇسكەنى انىقتالدى. ال كەلەسى كۇنى ول قۇقىق قورعاۋ ورگاندارىنا ونى زورلادى دەپ ايىپتاپ, جالعان مالىمدەمە جاسادى.

ايەل ادامنىڭ جالعان ايىپتاۋىنىڭ ناتيجەسىندە جازىقسىز ادام قىلمىستىق قۋدالاۋعا ۇشىراپ, تەرگەۋ جۇرگىزىلدى.

«سوتقا دەيىنگى تەرگەپ-تەكسەرۋ كەزىندە «جالعان جابىرلەنۋشى» قر قك 419-بابىنىڭ 3-بولىگىندە كوزدەلگەن قىلمىستى جاساۋداعى ءوز كىناسىن تولىق مويىندادى (اۋىر قىلمىس جاساعانى تۋرالى كورىنەۋ جالعان حابارلاۋ) جانە كىنانى مويىنداۋ تۋرالى مامىلە نىسانىندا پروتسەستىك كەلىسىم جاساسۋ تۋرالى ءوتىنىش ءبىلدىردى.

وسكەمەن قالاسىنىڭ №2 سوتىنىڭ ۇكىمىمەن «ش» قىلمىستىق كودەكستىڭ وسى بابى بويىنشا كىنالى دەپ تانىلىپ, شارتتى تۇردە 4 جىلعا باس بوستاندىعىنان ايىرىلدى.

سوت ۇكىمى زاڭدى كۇشىنە ەنگەن جوق», – دەلىنگەن پروكۋراتۋرا حابارلاماسىندا.