Shyǵysqazaqstandyq áıel zorlanǵany jaıly jalǵan aqparat bergen

Foto: ashyq derekkóz

Shyǵys Qazaqstan oblysynda zorlaý týraly kórineý jalǵan habarlaý oqıǵasy anyqtaldy, dep jazdy qandastar.kz

Tergeý barysynda bıyl aqpan aıynda azamatsha «Sh» óziniń tanysy «K»-men páterde masań kúıinde onymen óz erkimen jynystyq qatynasqa túskeni anyqtaldy. Al kelesi kúni ol quqyq qorǵaý organdaryna ony zorlady dep aıyptap, jalǵan málimdeme jasady.

Áıel adamnyń jalǵan aıyptaýynyń nátıjesinde jazyqsyz adam qylmystyq qýdalaýǵa ushyrap, tergeý júrgizildi.

«Sotqa deıingi tergep-tekserý kezinde «jalǵan jábirlenýshi» QR QK 419-babynyń 3-bóliginde kózdelgen qylmysty jasaýdaǵy óz kinásin tolyq moıyndady (aýyr qylmys jasaǵany týraly kórineý jalǵan habarlaý) jáne kináni moıyndaý týraly mámile nysanynda proestik kelisim jasasý týraly ótinish bildirdi.

О́skemen qalasynyń №2 sotynyń úkimimen «Sh» Qylmystyq kodekstiń osy baby boıynsha kináli dep tanylyp, shartty túrde 4 jylǵa bas bostandyǵynan aıyryldy.

Sot úkimi zańdy kúshine engen joq», – delingen prokýratýra habarlamasynda.