Shymbulaqtaǵy aspaly jol 2 aıǵa jabyldy

Almatyda «Shymbulaq» taý shańǵysy kýrortyndaǵy aspaly joly 2 aıǵa jabylady, dep habarlaıdy QazAqparat tilshisi.

Kýrort basshylyǵynyń habarlaýynsha, 2 qyrkúıek pen 15 qazan aralyǵynda Medeý-Shymbulaq aspaly joly profılaktıkalyq jóndeýge jabylady. Mundaı jumystar jylyna eki ret júıeli túrde ótkizilip turady. «Bıyl Medeý men Shymbulaq arasynda qatynaý úshin arnaıy Eko avtobýstardy reıske qosamyz. Bul kólikter jolaýshylardy tańǵy 10:00-den 18:00 aralyǵynda  Shymbulaqqa deıin, odan keri tasymaldaıtyn bolady. Bıletterdi stansada ornalasqan kassadan alýǵa bolady»,- dep atap ótken kýrort basshylyǵy instagram-daǵy paraqshasynda.