Shymkent ákiminiń orynbasaryna qastandyq jasaý isi: Kýáger Jıembaıdy jumystan shyǵarmaq bolǵanyn rastady

Foto: Áleýmettik jeliden

Shymkent ákiminiń orynbasary Rýslan Berdenovke qastandyq jasaý isi boıynsha sot otyrysynda kýágergerlerdiń biri Ernar Jıembaıdy jumystan bosatýdy josparlaǵanyn rastady, dep jazdy qandastar.kz.

Bul týraly Stan.kz aqparat agenttigi habarlaıdy.

Shymkenttegi sotta kýágerlerdi suraý bastaldy. Alǵashqy bolyp qurylys basqarmasy qurylys nysandaryn baqylaý bóliminiń basshysy Amanǵalı Kenjebekov túsinikteme berdi.

Onyń aıtýynsha, 21 sáýir kúni basqarma basshysynyń orynbasary Ajıbaev qońyraý shalyp, Jıembaıdyń jumystan shyǵý týraly ótinish jazǵan-jazbaǵanyn anyqtap berýdi suraǵan. Sol kezde Jıembaı «Turǵyn úı Shymkent» JShS dırektory qyzmetin atqarǵan. Qońyraýdan keıin Kenjebekov mán-jaıdy bilý úshin Jıembaımen habarlasqan.

«Ernar «Nege bulaı isteıdi, oǵan bir aı ýaqyt bergen joq pa?»  dep jaýap berdi. Buǵan deıin men Jıembaıdyń tarapynan eshqandaı tártip buzý nemese zańsyz áreket baıqamadym», – dedi Kenjebekov.

Kýágerdiń aıtýynsha, Jıembaıdy taǵaıyndaý nemese qyzmetten bosatý basqarma basshysynyń quzyretinde, al Berdenov ony qyzmetten ala almaıdy.

О́tken sot otyrysynda aıyptalýshy Ernar Jıembaı jábirlenýshini tek qorqytpaq bolǵanyn aıtqan edi. Ol olardyń arasyndaǵy janjal Berdenovtyń onyń jaryna qatysty áreketterinen týyndaǵanyn málimdedi. Jıembaıdyń sózinshe, sheneýnik óz qyzmettik ókiletin paıdalanyp, ózin «qamatamyn» dep qorqytqan. Sondaı-aq aıyptalýshy jábirlenýshi odan Shymkent ákimi Ǵabıt Syzdyqbekovke jala jabýdy talap etkenin jetkizdi.

Eske salaıyq, Berdenovke qastandyq 21 sáýir keshke jasalǵan edi. Sheneýnik oq jaraqatymen aýrýhanaǵa tústi. Aldyn ala málimet boıynsha oǵan oq atqan adam Shymkent ákimdigine qarasty seriktestik qyzmetkeri. Qylmystyq is qozǵalyp, kúdikti ustalǵan. Alǵashqyda bul oqıǵaǵa qyzǵanysh nemese ádepsiz qylyq sebep bolýy múmkin degen boljam aıtylǵan edi. Alaıda Shymkent qalasynyń ishki saıasat jáne jastar isteri basqarmasynyń basshysy Áıgerim Jumaqulova bul nusqany joqqa shyǵarýǵa asyqty.

12 mamyrda Berdenovtiń saýyǵyp, aýrýhanadan shyǵýǵa daıyndalyp jatqany habarlanǵan. 25 maýsymda tergeý isi aıaqtalǵany belgili boldy. Al 6 tamyz kúni sotta Jıembaı bul áreketke qyzǵanyshpen barǵanyn málimdedi. Osylaısha bastapqyda taraǵan qyzǵanysh nemese ádepsiz qarym-qatynas máselesi ras bolýy múmkin ekenin janama túrde rastady.