Shymkentte sýbsıdııadan qaǵylǵan sharýalar shyǵynǵa batty

Shymkentte sýbsıdııadan úmit úzgen sharýalar malyn satýǵa májbúr. О́ıtkeni shahar derbes qala mártebesine ıe bolǵaly aýyl sharýashylyǵy maqsatyndaǵy jerdiń sanaty ózgergen. Sonyń saldarynan qazirdiń ózinde aımaqtaǵy 17 iri mal sharýshalyǵy jumysyn toqtatty.

Kúndelikti 100 shaqty saýyn sıyrdan túsetin paıda jem-shóppen birge jutylyp barady. Sharýa memleket tarapynan súttiń lıtrine 30 teńgeden beriletin sýbsıdııa qarjyny bir jyldan beri ala almaı keledi. Qystaǵydaı emes, jaz kelip súttiń baǵasy da eki esedeı arzandap ketti. Onyń ústine shetelden kelip jatqan sút ónimderin almastyrǵysh arzanqol qospalar sharýany múldem shatqaıaqtatyp jiberdi.

Qaırat Azamatuly, sharýa qojalyǵynyń zootehnıgi:

Esepteıtin bolsaq, bir kúnde 1 basqa 3500 myń teńge ketedi. Qazirgi ýaqytta bizdiń ótkizip jatqan sútimiz 160-180 teńge. О́ziniń jegen jem-shóbin aqtamaı jatyr. Erteńgi kúni muny jabaıyq desek, nesıege alynǵan maldar. Ony satsaq bankrot bolamyz.

Shymkent qalasyndaǵy 30-dan astam sút fermasynda jaǵdaı osy. Asyltuqymdy sıyr ósirip, odan sút saýyp otyrǵan sharýashylyqtyń deni qala ulǵaıyp, oblystan irge ajyratqan kezde shahar aýmaǵyna qosylǵandar. Menshiginde jaıylymy men egistikteri de bar. Al biraq elektrondy portal olardyń jeri eldimeken dep ótinimdi qabyldamaıdy.

Janna Jumasheva, sharýa qojalyǵynyń esepshisi:

Qazirgi programma boıynsha bizdiń kadastrdy engizseń de, IIN, BIIN-di engizseń de bizde jer joq bolyp shyǵady. Sondyqtan jeriń joq, soǵan sáıkes sharýshalyǵyń da joq deıdi. Joq nársege sýbsıdııa qalaı beriledi? Sondaı qıyndyq týyndap, 8 aıdan beri sýbsıdııa ala almaımyz.

Sharýany súttiń sýbsıdıasynan aıyrǵan «Asyltuqymdy mal sharýashylyǵyn damytý tujyrymdamasy». Qujat boıynsha memlekettik qoldaý tek qaramaǵynda aýylsharýashylyǵy maqsatynda paıdalanatyn jeri bar sharýalarǵa berilýi tıis. Al Shymkent megapolıs atanǵaly búkil jeri eldimeken mártebesine ıe. Osyny aıtyp, ?Úkimetke aryz da jazyldy. Komıssııa da kelip tekserdi. Mınıstr maquldady. Biraq nátıjesiz.

Talǵat Mekenbaev, qalalyq Aýyl sharýashylyǵy jáne veterınarııa basqarmasy basshysynyń mindetin atqarýshy:

Komıssııa búkil sharýany kórip, aktilerin túzip, vıdeo, fotoǵa, qala bolsa da sharýalar bar ekenin kórip, alyp ketken. Qaǵıdaǵa ózgeris engizemiz degen.

Búgingi tańda Shymkenttiń terrıtorııasy 116 myń gektar bolsa, sonyń jartysyna jýyǵy aýylsharýashylyǵy alqaby. 5 myńnan astam sharýa qojalyǵy jumys isteıdi. О́zge ónimderdi aıtpaǵannyń ózinde fermalar byltyr 56 myń tonna sút óndirgen. Endi jańa tujyrymdamanyń arqasynda sharýa qoldaýsyz, halyq azyqsyz qalatyn túri bar.