جاڭالىقتار
شىمكەنتتىك الاياق وقۋشىنى 2 ملن تەڭگەگە الداپ تۇسىرگەن
شىمكەنتتە وقۋشىنى الداعان الاياق ۇستالدى, دەپ حابارلايدى qandastar.kz
پوليتسيا دەپارتامەنتىنىڭ كيبەرپول قىزمەتكەرلەرى «Anti-fraud» ءىس-شاراسى اياسىندا ينتەرنەت-الاياقتىق جاساعان ەر ادامدى ۇستادى.
ول «Free Fire» ءموبيلدى ويىنىنىڭ جەتىلدىرىلگەن اككاۋنتىن ساتامىن دەپ وزگەنىڭ 2 ميلليون تەڭگەدەن استام قاراجاتىن يەمدەنگەن.
6-سىنىپ وقۋشىسى ۇسىنىسقا قىزىعىپ, كۇدىكتىنىڭ نۇسقاۋى بويىنشا اناسىنىڭ بانك كارتاسىن سۋرەتكە ءتۇسىرىپ, كارتا دەرەكتەرى مەن اۋدارىم جاساۋعا ارنالعان كودتى جولداعان.
شوتىندا اقشانىڭ جوعالعانىن بايقاعان اناسى پوليتسياعا جۇگىندى. جەدەل-ىزدەستىرۋ شارالارى بارىسىندا كۇدىكتى انىقتالىپ, ۇستالدى.
پوليتسيا اتا-انالارعا بالالارىنا ينتەرنەتتەگى قاۋىپسىزدىك ەرەجەلەرى تۋرالى ءجيى ەسكەرتىپ وتىرۋعا كەڭەس بەرەدى.
