«شىنايى ماحابباتتى ارماندايمىن»: بالجان بيداش وزىنە ۇنايتىن جىگىتتىڭ ءتۇرىن كورسەتتى

ساحنادان ءبىراز ۋاقىت الىستاپ كەتكەن بالجان بيداش امەريكاداعى ساياحاتىنان ورالعان سوڭ ايكەرىم ەسەنالىگە اشىق سۇحبات بەردى, دەپ جازدى Qandastar.kz

ءانشى العاش رەت ءوز قيالىنداعى ەر ادامنىڭ بەينەسىن اشىق كورسەتتى. بالجاننىڭ ايتۋىنشا, جىگىتكە دەگەن تالابى كوپ ەمەس, بىراق ەڭ باستىسى – ونىڭ تابىسى وزىنىكىنەن جوعارى بولۋى ءتيىس.

سۇحبات بارىسىندا ول كەز كەلگەن بويجەتكەننىڭ قيالىندا ءبىر يدەال جىگىتتىڭ بولاتىنىن ايتىپ, ءوزىنىڭ تالعامىنا ساي كەلەتىن ازاماتتىڭ ناقتى فوتوسىن كورسەتتى. كورسەتىلگەن سۋرەتتە شەتەلدىك اكتەر جىگىت بەينەلەنگەن, ول بالجاننىڭ ستاندارتتارىنا ساي كەلەتىن كورىنەدى.

سونىمەن قاتار, ونەر يەسى شىنايى ماحابباتتى ارماندايتىنىن جانە ونى ءالى باستان وتكەرمەگەنىن جەتكىزدى.

بۇدان بولەك, پودكاستتا امەريكاعا جاساعان ساپارى تۋرالى ايتىپ, شىعارماشىلىقپەن اينالىساتىن جاندارعا ماڭىزدى كەڭەس بەردى:

“امەريكاعا بارۋ بالا كەزدەن ارمانىم بولاتىن. سول ارمانىمدى جۇزەگە اسىردىم. سول جاقتاعى دەڭگەيلەردى كوردىم. جالپى, ءار شىعارماشىلىق ادامىنا امەريكاعا بارىپ قايتۋعا كەڭەس بەرەمىن. سول كەزدە قازاقستاندا قاي دەڭگەيدە جۇمىس ىستەپ جۇرگەنىڭدى تۇسىنەتىن بولاسىڭ. امەريكادا جۇرگەندە جوعارى دەڭگەيدى سەزىنەسىڭ, ماسشتاب بار”, – دەدى ءانشى.