جاڭالىقتار
«شىندىق ەشكىمگە كەرەك ەمەس ەكەن»: بيشىمباەۆ اپەللياتسيالىق سوتتا ءسوز سويلەدى
قۋاندىق بيشىمباەۆ پەن باقىتجان بايجانوۆتىڭ اپەللياتسيالىق شاعىمى بويىنشا سوت وتىرىسىنىڭ ەكىنشى بولىمىندە ەكس-مينيستر قىسقاشا ءسوز سويلەپ, ادۆوكاتتارىن قولدايتىنىن ايتتى,-دەپ حابارلايدى Qandastar.kz
قۋاندىق بيشىمباەۆ پىكىرىن وسىعان دەيىنگى سوت پروتسەسىندە بىرنەشە رەت ايتقانىن العا تارتتى.
«مەن ادۆوكاتتارىمنىڭ دالەلدەرىن تولىعىمەن قولدايمىن. شىنىندا دا, ماعان جانە مەنىڭ تارابىما كىنامنىڭ ازدىعىن دالەلدەۋگە مۇمكىندىك بەرىلمەدى. بۇل تۋرالى سوت پروتسەسىندە بىرنەشە رەت ايتتىم. بىزگە ماتەريالدارمەن دۇرىس تانىسۋعا دا رۇقسات بەرىلگەن جوق. شىندىق ەشكىمگە كەرەك ەمەس ەكەن. شەشىم الدىن الا شىعىپ قويعان, سوندىقتان بىلمەيمىن. ءبارى ايتىلدى, ەندى تەك ادۆوكاتتارىمنىڭ ۇستانىمىن قولدايمىن دەۋ عانا قالدى», – دەدى قۋاندىق بيشىمباەۆ.
ايتا كەتەيىك, تۇسكى ۇزىلىسكە دەيىن وتىرىستىڭ ءبىرىنشى بولىمىندە بيشىمباەۆتىڭ ءۇش ادۆوكاتى دا قارسىلىعىن ءبىلدىرىپ ۇلگەردى. بۇگىن, 26 ماۋسىمدا ەلوردالىق سوتتا قۋاندىق بيشىمباەۆ پەن باقىتجان بايجانوۆتىڭ ءىسى بويىنشا اپەللياتسيالىق شاعىمدى قاراۋ باستالدى. ەكس-ءمينيستردىڭ ادۆوكاتتارى سوت پروتسەسىندە زاڭ بۇزىلعانىن ايتىپ, القابيلەردىڭ تەگىن جاريا ەتتى.
