Shyńǵys Muqan zańgerge shúılikti

Áleýmettik jelide eks-sheneýnik Shyńǵys Muqannyń kedeıler týraly pikiri tarady, dep habarlaıdy qandastar.kz

«20 jyldan beri kólik júrgizemin. Jolda kóligin soǵyp, zardap shegetinderdiń kóbi — kedeıler. Nege? Sebebi kedeıler únemi asyǵyp júredi.

Bir-birine jol bermeıdi. Qısynsyz jerge qystyrylyp keledi de, aqyrynda kóligin soǵyp alady. Teatr, konert zaldarynda da solaı. Konert bitkende, garderobtyń túbine jınalatyn adamnyń bári — kedeıler.

Baılar syrttaı qarap turady. Jurt kıimin alyp bolǵansha, kútedi. Men jalpy, adamnyń sanasyn «joqshylyq», «toqshylyq» dep ekige bólemin. Joqshylyq sanasyndaǵylar únemi asyǵys, shydamsyz keledi jáne ómirde de joqshylyq kóredi. Bul jerdegi «dıskleımer» — adamnyń materıaldyq emes, rýhanı astaryn aıtyp otyrmyn», — deıdi Shyńǵys Muqan bir podkastta.

Al eks-sheneýniktiń bul pikiri belgili zańger Aıgúl Orynbekke jaqpaı qaldy. Ol Shyńǵys Muqannyń vıdeosyn jelidegi paraqshasynda bólisip, jazba qaldyrdy.

«Osyndaı jigitter bizdiń ıdeologııamyzdy basqardy ǵoı!

Kólikterin soǵyp ǵana qoımaı, birneshe adamdy myjyp ketetin baıdyń balalaryn bular nege kórmeıdi?!

Olar birden aqshamen sheship ketetin baıdyń balalary bolǵan soń, olar jaıly aıtýǵa qorqa ma?

Jańa jylda  Shyńǵys Muqan asyǵyp júretin kedeılerge aqyl aıtypty», – dep jazdy Aıgúl Orynbek.