الەم جاڭالىقتارىجاڭالىقتار
سي ءتسزينپيننىڭ ساپارى جانە ىسكەرلىك كەڭەس: استانادا ءۇش كۇنگە بىرنەشە كوشە جابىلادى
فوتو: Zakon.kz
استانا تۇرعىندارى مەن قوناقتارىنا «قىتاي – ورتالىق ازيا» ىسكەرلىك كەڭەسىنىڭ وتىرىسى كەزىندە كەيبىر كوشەلەردە كولىك قوزعالىسى ۋاقىتشا شەكتەلەتىنى ەسكەرتىلدى, دەپ حابارلايدى qandastar.kz Zakon.kz-كە سىلتەمە جاساپ.
ءىس-شارا 2025 جىلعى 16–18 ماۋسىم ارالىعىندا ەلوردادا وتەدى. وسى كۇندەرى قىتاي حالىق رەسپۋبليكاسىنىڭ توراعاسى سي تسزينپين استاناعا رەسمي ساپارمەن كەلەدى. سونىمەن قاتار, ىسكەرلىك كەڭەسكە ورتالىق ازيا ەلدەرىنىڭ مەملەكەت باسشىلارى قاتىسادى.
ء«ىس-شاراعا بايلانىستى 16–18 ماۋسىم ارالىعىندا ەلورداداعى بىرقاتار كوشەدە كولىك قوزعالىسىنا ۋاقىتشا شەكتەۋ ەنگىزىلەدى», — دەپ مالىمدەدى استانا اكىمدىگى.
جول قوزعالىسى كەلەسى ۋچاسكەلەردە ۋاقىتشا شەكتەلەدى:
- قابانباي باتىر داڭعىلى – نۇرسۇلتان نازارباەۆ حالىقارالىق اۋەجايىنان ماڭگىلىك ەل داڭعىلىنا دەيىن;
- ماڭگىلىك ەل داڭعىلى – قابانباي باتىر داڭعىلىنان د. قوناەۆ كوشەسىنە دەيىن;
- قوناەۆ كوشەسى – ماڭگىلىك ەل داڭعىلىنان قابانباي باتىر داڭعىلىنا دەيىن;
- قابانباي باتىر داڭعىلى – قورعالجىڭ تاسجولىنا دەيىن.
سونداي-اق, 2025 جىلعى 17 ماۋسىمدا كەلەسى كوشەلەردە كولىك قوزعالىسى ۋاقىتشا شەكتەلەدى:- كەرەي, جانىبەك حاندار كوشەسى – ماڭگىلىك ەل داڭعىلىنان شەرحان مۇرتازا كوشەسىنە دەيىن;
- تاۋەلسىزدىك داڭعىلى – كەرەي, جانىبەك حاندار كوشەسىنەن ا. بايتۇرسىن ۇلى كوشەسىنە دەيىن.
سونىمەن قاتار, 17 ماۋسىم كۇنى ساعات 14:00-دەن 20:30-عا دەيىن بەيبىتشىلىك جانە كەلىسىم سارايى ماڭىنداعى ق. امانجولوۆ جانە ج. ناجىمەدەنوۆ كوشەلەرىندە دە قوزعالىس شەكتەلەدى.
جۇرگىزۋشىلەر مەن جاياۋ جۇرگىنشىلەرگە جول قوزعالىسىنداعى وزگەرىستەردى ەسكەرە وتىرىپ, باعىتتارىن الدىن الا جوسپارلاۋ ەسكەرتىلدى.
قىتاي حالىق رەسپۋبليكاسىنىڭ توراعاسى سي تسزينپين استاناعا قازاقستان پرەزيدەنتى قاسىم-جومارت توقاەۆتىڭ شاقىرۋىمەن كەلەدى. ەكىجاقتى جوعارى دەڭگەيدەگى كەزدەسۋ بارىسىندا قازاق-قىتاي جان-جاقتى ستراتەگيالىق سەرىكتەستىگىن ودان ءارى تەرەڭدەتۋ ماسەلەلەرى تالقىلانباق.
