ءسىم قاتار مەن ءباا-دە جۇرگەن قازاقستاندىقتارعا ۇندەۋ جاسادى

تاياۋ شىعىستاعى اسكەري-ساياسي احۋالدىڭ كۇرت كۇردەلەنۋىنە بايلانىستى قازاقستاننىڭ سىرتقى ىستەر مينيسترلىگى قازاقستان ازاماتتارىنا تاياۋ شىعىس ەلدەرىنە بۇرىن جوسپارلانعان بارلىق ساپارلاردى قايتا قاراۋدى قاتاڭ تۇردە ۇسىنادى.

«قازىرگى ۋاقىتتا جاعداي مەن ىقتيمال تاۋەكەلدەرگە جان-جاقتى باعا بەرىلىپ, قۇزىرەتتى مەملەكەتتىك ورگاندارمەن جانە شەتەلدىك سەرىكتەستەرمەن ۇيلەستىرىلگەن جۇمىس جۇرگىزىلىپ جاتىر. تاياۋ شىعىس ءوڭىرىنىڭ بىرقاتار ەلىندە اۋە كەڭىستىگىن پايدالانۋعا ۋاقىتشا شەكتەۋلەر ەنگىزىلدى, بۇل حالىقارالىق رەيستەردىڭ توقتاتىلۋىنا جانە كەيىنگە شەگەرىلۋىنە الىپ كەلدى», — دەپ جازىلعان حابارلامادا.

وسىعان بايلانىستى مينيسترلىك تاياۋ شىعىس ەلدەرىندە, اسىرەسە قاتار مەن بىرىككەن اراب امىرلىكتەرىندە جۇرگەن قازاقستان ازاماتتارىنا كەلەسى ساقتىق شارالارىن ۇستانۋدى ۇسىنادى:

سابىر ساقتاپ, جەرگىلىكتى بيلىك ورگاندارى بەلگىلەگەن قاۋىپسىزدىك شارالارىن قاتاڭ ورىنداۋ;

ادامدار كوپ جينالاتىن ءىس-شارالارعا قاتىسۋدان جانە اسكەري نىساندارعا جاقىنداۋدان اۋلاق بولۋ;

قابىلداۋشى ەلدەردىڭ رەسمي ورگاندارى مەن قازاقستان وكىلدىكتەرى تاراتقان اقپاراتتى مۇقيات باقىلاۋ;

بروندالعان رەيستەردىڭ ستاتۋسىن جانە ەلدەن شىعۋ باعىتتارىن تۇراقتى تۇردە ناقتىلاپ وتىرۋ;

تومەندە كورسەتىلگەن جەدەل بايلانىس ارنالارى ارقىلى قازاقستان رەسپۋبليكاسىنىڭ ەلشىلىكتەرىمەن تىكەلەي بايلانىستا بولۋ.

1. قازاقستاننىڭ قاتارداعى ەلشىلىگى:

+97450649955

+97470910579

kazconsul.doha@gmail.com

doha@mfa.kz

2. قازاقستاننىڭ ءباا-دەگى ەلشىلىگى ء(ابۋ دابي قالاسى):

+97124498778

+971503629805

abudhabi@mfa.kz

3. قازاقستاننىڭ دۋبايداعى باس كونسۋلدىعى:

+971556103341

+971505701978

dubai@mfa.kz

4. قر سىرتقى ىستەر مينيسترلىگى:

+7 (7172) 72 05 00

ۆەدومستۆو حابارلاعانداي, تاياۋ شىعىس ەلدەرىندەگى قر سىرتقى ىستەر مينيسترلىگىنىڭ بارلىق ديپلوماتيالىق وكىلدىكتەرى شتاتتىق رەجيمدە جۇمىس ىستەپ تۇر, جاعدايدىڭ دامۋىن ۇنەمى باقىلاۋدا ۇستاپ, قازاقستان ازاماتتارىنا قاجەتتى كونسۋلدىق-قۇقىقتىق كومەكتى تاۋلىك بويى كورسەتۋ جالعاسىپ جاتىر.