SIM Qatar men BAÁ-de júrgen qazaqstandyqtarǵa úndeý jasady

Taıaý Shyǵystaǵy áskerı-saıası ahýaldyń kúrt kúrdelenýine baılanysty Qazaqstannyń syrtqy ister mınıstrligi Qazaqstan azamattaryna Taıaý Shyǵys elderine buryn josparlanǵan barlyq saparlardy qaıta qaraýdy qatań túrde usynady.

«Qazirgi ýaqytta jaǵdaı men yqtımal táýekelderge jan-jaqty baǵa berilip, quzyretti memlekettik organdarmen jáne sheteldik seriktestermen úılestirilgen jumys júrgizilip jatyr. Taıaý Shyǵys óńiriniń birqatar elinde áýe keńistigin paıdalanýǵa ýaqytsha shekteýler engizildi, bul halyqaralyq reısterdiń toqtatylýyna jáne keıinge shegerilýine alyp keldi», — dep jazylǵan habarlamada.

Osyǵan baılanysty mınıstrlik Taıaý Shyǵys elderinde, ásirese Qatar men Birikken Arab Ámirlikterinde júrgen Qazaqstan azamattaryna kelesi saqtyq sharalaryn ustanýdy usynady:

sabyr saqtap, jergilikti bılik organdary belgilegen qaýipsizdik sharalaryn qatań oryndaý;

adamdar kóp jınalatyn is-sharalarǵa qatysýdan jáne áskerı nysandarǵa jaqyndaýdan aýlaq bolý;

qabyldaýshy elderdiń resmı organdary men Qazaqstan ókildikteri taratqan aqparatty muqııat baqylaý;

brondalǵan reısterdiń statýsyn jáne elden shyǵý baǵyttaryn turaqty túrde naqtylap otyrý;

tómende kórsetilgen jedel baılanys arnalary arqyly Qazaqstan Respýblıkasynyń elshilikterimen tikeleı baılanysta bolý.

1. Qazaqstannyń Qatardaǵy elshiligi:

+97450649955

+97470910579

kazconsul.doha@gmail.com

doha@mfa.kz

2. Qazaqstannyń BAÁ-degi elshiligi (Ábý Dabı qalasy):

+97124498778

+971503629805

abudhabi@mfa.kz

3. Qazaqstannyń Dýbaıdaǵy bas konsýldyǵy:

+971556103341

+971505701978

dubai@mfa.kz

4. QR Syrtqy ister mınıstrligi:

+7 (7172) 72 05 00

Vedomstvo habarlaǵandaı, Taıaý Shyǵys elderindegi QR syrtqy ister mınıstrliginiń barlyq dıplomatııalyq ókildikteri shtattyq rejımde jumys istep tur, jaǵdaıdyń damýyn únemi baqylaýda ustap, Qazaqstan azamattaryna qajetti konsýldyq-quqyqtyq kómekti táýlik boıy kórsetý jalǵasyp jatyr.