SIM Resmı ókili Aıbek Smadııarov Ýkraınadaǵy jaǵdaıǵa qatysty túsinikteme berdi

Foto: shyq derekkóz

QR SIM Resmı ókili Aıbek Smadııarov Ýkraınadaǵy jaǵdaıǵa qatysty túsinikteme berdi, dep jazdy qandastar.kz

«Bizdiń Ýkraınadaǵy Elshiligimiz shtattyq rejımde jumys istep keledi. Syrtqy ister mınıstrliginde álemdegi jaǵdaıǵa monıtorıng jasaıtyn arnaıy Ahýaldyq ortalyq bar. Bizdiń málimetimizge sáıkes Kıevtegi sheteldik dıplomatııalyq korpýs óz jumysyn jalǵastyrýda jáne azamattaryn evakýaııalap jatqan joq. Qazaqstandyqtardan da evakýaııalaý boıynsha ótinishter túsken joq jáne qazirgi ýaqytta arnaıy ushaqtardy jiberý josparda joq.

О́zderińiz biletindeı, Ýkraınada soǵystyń jalǵasyp jatqanyna eki jyldan asty. Ketemin degen azamattar elden shyǵyp ketken. Biraq bizdiń esebimiz boıynsha Ýkraınada qazir 300-ge jýyq Qazaqstan azamaty bolýy múmkin. Naqty sanyn aıtý qıynǵa soǵady.

Oǵan qaramastan, birneshe kún buryn biz Ýkraınadaǵy qazaqstandyqtarǵa el aýmaǵynan ketý týraly habarlama jasadyq. Qazaq dıplomattary óz jumysyn tııanaqty atqaryp keledi, eger otandastarymyzdan ótinish túsken jaǵdaıda olarǵa barlyq qajet kómekti kórsetemiz. Degenmen, jaǵdaıdyń odan ári damýyna baılanysty óz áreketimizdi jasaımyz», – dep habarlady A.Smadııarov.