Sınoptıkter aýa raıyna qatysty málimdeme jasady

Foto: ru.freepik.com

Sınoptıkter 2025 jylǵy 12 mamyrǵa arnalǵan sınoptıkalyq jaǵdaı men Qazaqstandaǵy aýa raıynyń qaýipti qubylystary boıynsha óz boljamdarmen bólisti, dep habarlaıdy qandastar.kz

Dúısenbide elimizge ońtústik ıklon jáne onymen baılanysty jyljyǵan atmosferalyq frontaldy bólikter áser etetin bolady. Bul Qazaqstan aýmaǵynyń basym bóliginde aýa raıynyń turaqsyz sıpatynyń qalyptasýyna alyp keledi.

Naızaǵaı oınap, burshaq túsedi, jel ekpin alyp, jańbyr jaýady dep kútiledi, túnde batys óńirde nóser jańbyr jaýady. Tek elimizdiń ońtústiginde jáne ortalyǵynda aýa raıy negizinen jaýyn-shashynsyz bolady, — deıdi «Qazgıdromet» RMK.

Túnde jáne tańerteń elimizdiń soltústiginde, shyǵysynda, ortalyǵynda jáne ońtústik-batysynda tuman bolady dep kútiledi.

Biraq Mańǵystaý jáne Aqtóbe oblystarynda qatty ystyq bolady dep boljanady. Termometr baǵany kúndiz +35 + 38 gradýs ystyqqa deıin kóteriledi.

Mańǵystaý, Qaraǵandy, Jetisý, Túrkistan, Ulytaý oblystarynda, Abaı oblysynyń batysynda, soltústiginde, ońtústiginde, Jambyl oblysynyń soltústiginde, ońtústik-shyǵysynda, Almaty oblysynyń soltústiginde, batysynda, Atyraý oblysynyń ońtústiginde, batysynda, Aqtóbe oblysynyń ońtústiginde, Pavlodar oblysynyń ońtústik jartysynda, Qostanaı óńiriniń ońtústiginde, soltústik-batysynda, Shyǵys Qazaqstan oblysynyń ońtústiginde, Aqmola oblysynyń batysynda, ońtústiginde, shyǵysynda órt qaýpi joǵary bolady dep kútiledi.

Qyzylorda, Túrkistan oblystarynda, Batysta, Jambyl oblysynyń batysynda, Almaty oblysynyń ortalyǵynda, Jetisý oblysynyń batysynda tótenshe órt qaýpi kútiledi.