«Sizdiki jaı ma?»: Erke Esmahan ózin haıp úshin paıdalanǵan Láılá Sultanqyzyna qatty renjidi

Ánshi Erke Esmahan Instagram paraqshasynda belgili jýrnalıst Láılá Sultanqyzyna ashyq renishin bildirdi, dep habarlaıdy Qandastar.kz

Jýyrda Láılá Sultanqyzy óziniń YouTube arnasynda plastıkalyq hırýrgtardy qonaqqa shaqyryp, otandyq juldyzdardyń qaısysy qandaı ota jasatqany týraly suhbat júrgizgen edi. Dárigerlerdiń áńgimesinde Erke Esmahannyń esimi de atalǵan.

Dárigerlerdiń aıtýynsha, ol jaǵyna, kózine plastıkalyq ota jasatqan. Qazaqstanda suranys joq bolǵandyqtan, Koreıada jasatqany týraly boljam aıtty.

Bul jaǵdaı ánshiniń shamyna tıgen sııaqty. Ol óziniń storısinde Láıláǵa tikeleı jazyp, mundaı qadamdy kútpegenin málimdedi:

«Láılá hanym, sizdiki jáı ma? Suhbattastaryńyzdyń aıtyp otyrǵan qorqynyshty nárseleriniń eshbirin men betime jasatpaǵanymdy siz óte jaqsy bilesiz. Menimen jaqyn syılas ápkem retinde ótirikke jol bermeı, qorǵaýdyń ornyna, ózińiz talqyǵa salyp otyrǵanyńyz tańǵaldyrdy», – dedi Erke.

Sondaı-aq ol óziniń artynan aıtylǵan áńgimelerge mán bermeıtinin, alaıda jaqyn adamdardyń atyn haıp pen qaralym úshin paıdalanýyn quptamaıtynyn aıtty.

«О́mirde jaqyn dep júrgen jandardyń meniń atymdy haıp pen qaralymǵa paıdalanǵany unamaıdy. Sebebi ózim ondaı adam emespin!», – dep jazdy ol.

Bul oqıǵa áleýmettik jelide qyzý talqylanyp, kópshilik Erkeni jaqtap jatyr. Al Sultanqyzy tarapynan ázirge jaýap berilgen joq.