«سىزگە اقشا سالايىق…»: الماتىدا كۇزەتشىنىڭ جانتۇرشىگەرلىك ولىمىنە قاتىستى تىڭ دەرەكتەر ايتىلدى

فوتو: بەينەجازبادان

29 ناۋرىز كۇنى الماتىدا جانتۇرشىگەرلىك قاندى قىلمىس ورىن الدى. قالاداعى ەليتالى تۇرعىن ءۇيىنىڭ كۇزەتشىسىن 45 جاستاعى ەر ادام بىرنەشە رەت كولىگىمەن قاعىپ, ارتىنشا اياۋسىز تەپكىلەگەن. بۇل تۋرالى inbusiness.kz سايتى جازادى «كورەمىز» باعدارلاماسىنا سىلتەمە جاساپ.

ناتيجەسىندە, كۇزەتشى اۋىر جاعدايدا اۋرۋحانادا قايتىس بولدى.

سۇمدىق جاعدايدىڭ ورىن العانىنا بەس ايعا جۋىق ۋاقىت ءوتتى. دەسە دە مارقۇمنىڭ تۋىستارى كۇدىكتىگە تاعايىندالعان سوت ساراپتاماسىنا كۇمانمەن قارايدى.

«رەنگەنى كورگەن كەزدە وتە قورقىنىشتى بولدى. سۇيەگىنىڭ بارلىعى بولىنگەن ەدى. اياقتارىن تەك قانا ەتتەرى ۇستاپ تۇردى. كورگەن كەزدە جاعدايى وتە اۋىر بولدى», – دەيدى نۇربولدى سوڭعى رەت كورگەن جولامان جۇمابەك ۇلى.

6 اي بويى تەرگەۋ جۇمىستارى جۇرگىزىلگەنىمەن, ءالى كۇدىكتى تۇرمەگە قامالماعان. وعان قاتىستى قازىر شيزوفرەنيا دياگنوزى قويىلىپ وتىر.

نۇربولدىڭ ارتىندا 2 ۇل 1 قىزى قالدى. ول وتباسىن اسىراۋ ءۇشىن جۇمىس تاڭداماعان. كۇزەتشى سوڭعى قىزمەتىندە نەبارى 150 مىڭ تەڭگە ايلىق العان.

«نۇربولدى جەرلەپ جاتقان كەزدە, ادۆوكاتپىز دەپ ەكى جىگىت كەلدى. كەشكە قاراي نۇربولدى جەرلەپ بىتكەننەن كەيىن 5 ادام كەلدى. 1 ايەل 4 ەركەك بولاتىن. كىشى بالامدى الىپ كەتىپ سويلەسپەك بولعاندا رۇقسات بەرمەدىم. كەلگەن ولتىرگەن بالانىڭ اكە-شەشەسى ەكەن. تۋىسقاندار بولىپ بارلىعىمىز سويلەستىك. اناسى مەنىمەن سويلەسىپ وتىردى. 9 جىل بۇرىن قىزى قايتىس بولعانىن, بالاسىنىڭ اۋىرىپ قالعانىن ايتتى. ونىڭ ەكى قىزى مەن ايەلى بار ەكەنىن دە ايتتى. اۋىرادى, دەرتى بار دەمەدى, قىزىم قايتىس بولعان سوڭ, بالام ءبىرتۇرلى بولىپ قالدى دەپ ايتتى. سىزگە اقشا سالايىق, بالاڭىزدىڭ قىرقىن وتكىزىپ بەرەيىك دەدى. مەن كەلىسپەدىم», – دەيدى مارقۇمنىڭ اناسى.

كۇدىكتىنىڭ اكەسى پروكۋرور, بۇرىنعى دەپۋتات ال اناسى ساۋدا-ساتتىقپەن اينالىسقان. اسقار تاستانديەۆتىڭ ءوزى بيزنەسپەن اينالىسقان. اجىراسقان, ەكى بالاسى بار. كۇدىككە ىلىنگەن ازامات تۇرعىن ءۇي كەشەنىندەگىلەرگە دە تىنىشتىق بەرمەگەن كورىنەدى.

«ءبىز بىرنەشە رەت پوليتسياعا حابارلاسقانبىز. الايدا اتا-اناسى بۇرىنعى شەنەۋنىك بولعان سوڭ قۇتىلىپ كەتەتىن. ديسپەتچەردى, كۇزەتشىنى وسىعان دەيىن دە ۇرىپ سوققان ەدى. ەندى ارتى ولىممەن اياقتالىپ وتىر. ءتىپتى بالالارىمىزدى كوشەگە شىعارۋعا قورعامىز. وعان ۇنەمى ەسىرتكى تاسىمالداۋشىلار ەسىتركى اكەلگەن, ۇنەمى ىشىمدىك ىشكەن دەپ ايتادى», – دەدى تۇرعىنداردىڭ ءبىرى.

نۇربولعا سول كۇنى ەسىكتى اشپا دەگەن بۇيرىق بەرىلگەن. مارقۇم ەسىكتى اشپاعانى ءۇشىن ءولىم قۇشقان دەيدى.

«ءبىزدى تۇنگى ەكى جارىمعا قاراي نۇربولدى ۇرىپ جاتىر دەپ ديسپەتچەر شاقىردى. ءبىز بارعان كەزدە كۇدىكتى جاسارىن جاساپ كەتكەن ەدى. جەدەل جاردەم شاقىرىپ, نۇربولدى سالىپ جىبەردىك», – دەيدى اسحات قوناقباەۆ.

«اسحاتپەن وقيعا ورنىنا جۇگىرىپ باردىق. قاقپا قيراعان, نۇربول قانسىراپ جاتقان ەدى. نۇربولدان كىم جاسادى دەپ سۇراعاندا, اسقار جاساعانىن ايتتى. 14 قاباتتاعى جىگىتتىڭ ارەكەتى ەكەنىن بىردەن تۇسىندىك. ول كەزدە نۇربول ءتىرى ەدى. بىراق جاعدايى اۋىر بولاتىن. جەدەل جاردەمگە سالىپ جىبەرىپ, ارتىنان بارلىق. ونى وتاعا الىپ كىرىپ كەتتى, ەكى ساعاتتان كەيىن رەانيماتسياعا اۋىستىردى. دارىحاناعا قاجەتتى دارىلەر الىپ كەلۋگە كەتكەنىمىزدە دارىگەر حابارلاسىپ, نۇربولدىڭ كوز جۇمعانىن ايتتى», – دەيدى سامات سماعۇلوۆ.

كۋاگەرلەردىڭ سوزىنشە ماس بولماعان كەزدەرى كۇدىكتى قاراپايىم ادام رەتىندە تانىلعان, ەشقانداي اۋىتقۋ بايقالماعان.

ول اتا-اناسىمەن بىرگە تۇرعان كورىنەدى. سول كۇنى اتا-اناسى نۇربولدان ۇلدارىن شىعارماۋدى وتىنگەن. بىرنەشە رەت قاقپادان شىقپاق بولعان كۇدىكتى, سوڭعى مارتەسىندە ءوزىن ۇستاي الماي قالعان كورىنەدى.