«Sizge aqsha salaıyq…»: Almatyda kúzetshiniń jantúrshigerlik ólimine qatysty tyń derekter aıtyldy

Foto: Beınejazbadan

29 naýryz kúni Almatyda jantúrshigerlik qandy qylmys oryn aldy. Qaladaǵy elıtaly turǵyn úıiniń kúzetshisin 45 jastaǵy er adam birneshe ret kóligimen qaǵyp, artynsha aıaýsyz tepkilegen. Bul týraly inbusiness.kz saıty jazady «Kóremiz» baǵdarlamasyna silteme jasap.

Nátıjesinde, kúzetshi aýyr jaǵdaıda aýrýhanada qaıtys boldy.

Sumdyq jaǵdaıdyń oryn alǵanyna bes aıǵa jýyq ýaqyt ótti. Dese de marqumnyń týystary kúdiktige taǵaıyndalǵan sot saraptamasyna kúmánmen qaraıdy.

«Rengeni kórgen kezde óte qorqynyshty boldy. Súıeginiń barlyǵy bólingen edi. Aıaqtaryn tek qana etteri ustap turdy. Kórgen kezde jaǵdaıy óte aýyr boldy», – deıdi Nurboldy sońǵy ret kórgen Jolaman Jumabekuly.

6 aı boıy tergeý jumystary júrgizilgenimen, áli kúdikti túrmege qamalmaǵan. Oǵan qatysty qazir shızofrenııa dıagnozy qoıylyp otyr.

Nurboldyń artynda 2 ul 1 qyzy qaldy. Ol otbasyn asyraý úshin jumys tańdamaǵan. Kúzetshi sońǵy qyzmetinde nebári 150 myń teńge aılyq alǵan.

«Nurboldy jerlep jatqan kezde, advokatpyz dep eki jigit keldi. Keshke qaraı Nurboldy jerlep bitkennen keıin 5 adam keldi. 1 áıel 4 erkek bolatyn. Kishi balamdy alyp ketip sóılespek bolǵanda ruqsat bermedim. Kelgen óltirgen balanyń áke-sheshesi eken. Týysqandar bolyp barlyǵymyz sóılestik. Anasy menimen sóılesip otyrdy. 9 jyl buryn qyzy qaıtys bolǵanyn, balasynyń aýyryp qalǵanyn aıtty. Onyń eki qyzy men áıeli bar ekenin de aıtty. Aýyrady, derti bar demedi, qyzym qaıtys bolǵan soń, balam birtúrli bolyp qaldy dep aıtty. Sizge aqsha salaıyq, balańyzdyń qyrqyn ótkizip bereıik dedi. Men kelispedim», – deıdi marqumnyń anasy.

Kúdiktiniń ákesi prokýror, burynǵy depýtat al anasy saýda-sattyqpen aınalysqan. Asqar Tastandıevtiń ózi bıznespen aınalysqan. Ajyrasqan, eki balasy bar. Kúdikke ilingen azamat turǵyn úı keshenindegilerge de tynyshtyq bermegen kórinedi.

«Biz birneshe ret polıııaǵa habarlasqanbyz. Alaıda ata-anasy burynǵy sheneýnik bolǵan soń qutylyp ketetin. Dıspetcherdi, kúzetshini osyǵan deıin de uryp soqqan edi. Endi arty ólimmen aıaqtalyp otyr. Tipti balalarymyzdy kóshege shyǵarýǵa qorǵamyz. Oǵan únemi esirtki tasymaldaýshylar esitrki ákelgen, únemi ishimdik ishken dep aıtady», – dedi turǵyndardyń biri.

Nurbolǵa sol kúni esikti ashpa degen buıryq berilgen. Marqum esikti ashpaǵany úshin ólim qushqan deıdi.

«Bizdi túngi eki jarymǵa qaraı Nurboldy uryp jatyr dep dıspetcher shaqyrdy. Biz barǵan kezde kúdikti jasaryn jasap ketken edi. Jedel járdem shaqyryp, Nurboldy salyp jiberdik», – deıdi Ashat Qonaqbaev.

«Ashatpen oqıǵa ornyna júgirip bardyq. Qaqpa qıraǵan, Nurbol qansyrap jatqan edi. Nurboldan kim jasady dep suraǵanda, Asqar jasaǵanyn aıtty. 14 qabattaǵy jigittiń áreketi ekenin birden túsindik. Ol kezde Nurbol tiri edi. Biraq jaǵdaıy aýyr bolatyn. Jedel járdemge salyp jiberip, artynan barlyq. Ony otaǵa alyp kirip ketti, eki saǵattan keıin reanımaııaǵa aýystyrdy. Dárihanaǵa qajetti dáriler alyp kelýge ketkenimizde dáriger habarlasyp, Nurboldyń kóz jumǵanyn aıtty», – deıdi Samat Smaǵulov.

Kýágerlerdiń sózinshe mas bolmaǵan kezderi kúdikti qarapaıym adam retinde tanylǵan, eshqandaı aýytqý baıqalmaǵan.

Ol ata-anasymen birge turǵan kórinedi. Sol kúni ata-anasy Nurboldan uldaryn shyǵarmaýdy ótingen. Birneshe ret qaqpadan shyqpaq bolǵan kúdikti, sońǵy mártesinde ózin ustaı almaı qalǵan kórinedi.