جاڭالىقتار
سكليار ساۋالعا جاۋاپ بەردى: حقكو جەكەشەلەندىرىلە مە?
فوتو: اشىق دەرەككوز
«ازاماتتارعا ارنالعان ۇكىمەت» مەملەكەتتىك كورپوراتسياسى جەكەشەلەندىرىلمەيدى. بۇل تۋرالى قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى رومان سكلياردىڭ دەپۋتاتتىق ساۋالعا بەرگەن جاۋابىندا ايتىلدى, دەپ جازدى qandastar.kz
«قولدانىستاعى زاڭناما مەن ىشكى ءتارتىپ ەرەجەلەرى اياسىندا بەك-وفيس فۋنكتسيالارىن «ازاماتتارعا ارنالعان ۇكىمەت» مەملەكەتتىك كورپوراتسياسىنا بەرۋ, سونداي-اق ينفراقۇرىلىمدى جەكەشەلەندىرۋ جۇرگىزىلمەيدى جانە جوسپارلانبايدى», — دەدى رومان سكليار. وتىنىشىنە بەرگەن جاۋابىندا.
ۆيتسە-پرەمەر مەملەكەتتىك كورپوراتسيا مەملەكەتتىك ستاندارتتار مەن بەلگىلەنگەن تالاپتارعا ساي جۇمىسىن جالعاستىرىپ جاتقانىن اتاپ ءوتتى
رومان سكليار حالىققا قىزمەت كورسەتۋ ورتالىقتارىنداعى «كومەكشىلەر» تۋرالى دا ايتىپ, ولاردىڭ قىزمەتى بەلگىلەنگەن تالاپتارعا ساي كەلمەيتىنىن اتاپ ءوتتى.
«بۇل ماسەلەنى شەشۋ ءۇشىن مەملەكەت رەتتەيتىن جانە مەملەكەت باقىلايتىن سەرىكتەس ۇيىمداردى ەنگىزۋ بويىنشا جۇيەلى جۇمىس قاراستىرىلعان, ولار ازاماتتارعا مەملەكەتتىك قىزمەتتەردى كورسەتۋ ەرەجەلەرى مەن ەلىمىزدىڭ زاڭناماسىنا قاتاڭ سايكەس كومەك كورسەتەتىن بولادى», — دەدى ول.
