سقو-دا سۋ تاسقىنىنان قىرىلعان مالعا وتەماقى بەرىلىپ جاتىر

سقو اۋىل شارۋاشىلىعى جانە جەر قاتىناستارى باسقارماسى ءباسپاسوز قىزمەتىنىڭ مالىمەتىنشە, قىزىلجار اۋدانىندا 27 باس مالدىڭ ولگەنى تىركەلگەن. ونىڭ 2-ەۋى سيىر, 7-ەۋى قوي-ەشكى, 2-ەۋى – جىلقى جانە 16-سى شوشقا.

«اۋداننىڭ تۇرعىن ءۇي-كوممۋنالدىق شارۋاشىلىعى ءبولىمى ولگەن مال بويىنشا كەلتىرىلگەن زالالدى وتەۋگە ءوتىنىش قابىلداپ جاتىر. جەرگىلىكتى اۋقىمداعى تابيعي سيپاتتاعى توتەنشە جاعداي سالدارىنان زارداپ شەككەندەرگە كەلتىرىلگەن ماتەريالدىق شىعىندى باعالاۋ جانە وتەۋ جونىندەگى كوميسسيا جۇمىس ىستەيدى. بازادا بار, ولگەن ءۇش جانۋار ءۇشىن بيۋدجەت قاراجاتى ەسەبىنەن ەكى ءىرى قارا مال مەن ءبىر ۇساق مالعا جالپى سوماسى 510 مىڭ تەڭگە وتەماقى بەرىلدى. قالعان مال بويىنشا تولەم «اسار» قورى ارقىلى جۇرگىزىلىپ, تولەندى. بۇل – 1 ملن 642 مىڭ تەڭگە», – دەدى ۆەدومستۆو وكىلدەرى.